--- title: Opening, part 10 — Negro myths from the Georgia coast, told in the… · full text with trees description: Opening, part 10, «Negro myths from the Georgia coast, told in the vernacular» by Charles C., Jr. Jones: the whole chapter, every sentence with its dependency tree and pragmatics. It begins: Buh Rabbit watch de Ole Man es eh pass day arter day long de big road, an eh hanker arter de fish, but eh yen --- [Mova](https://md.mova.elamur.ai/free/en/) · [this page in HTML](https://mova.elamur.ai/free/en/corpora/tales/pg76586/10/) [home](https://md.mova.elamur.ai/free/en/) / [corpora](https://md.mova.elamur.ai/free/en/corpora/) / [tales](https://md.mova.elamur.ai/free/en/corpora/tales/) / [Negro myths from the Georgia coast, to…](https://md.mova.elamur.ai/free/en/corpora/tales/pg76586/) / Opening, part 10 # Opening, part 10 Opening, part 10 of «Negro myths from the Georgia coast, told in the vernacular» by Charles C., Jr. Jones: the whole text, 146 sentences and 2773 words. The small number after every sentence leads to its own page with its syntax tree and pragmatics, parsed by Mova itself. **1** [2](https://md.mova.elamur.ai/free/en/corpora/tales/pg76586/10/page/2/) Buh Rabbit watch de Ole Man es eh pass day arter day long de big road, an eh hanker arter de fish, but eh yent know rightly how fuh git some.[1](1/ "tree and pragmatics") Arter er wile eh fix dis plan.[2](2/ "tree and pragmatics") De nex time eh see de Ole Man duh comin long de road wid eh waggin an fish, eh leddown dist on de adge er de road, an eh pant same luk eh bin gwine fuh dead.[3](3/ "tree and pragmatics") Es de ole man bin er pass long eh notus um, an eh stop, an eh gone ter um an eh ax um wuh ail um.[4](4/ "tree and pragmatics") Buh Rabbit mek answer een er woice so leely you cacely kin yeddy um, an tell um say eh berry sick; dat eh bin gwine home wen eh back an eh leg gie out, an eh couldnt trabble no furder.[5](5/ "tree and pragmatics") Den eh bague de Ole Man fuh tek um up een eh waggin an cahr um long de big road tel eh come ter de place way him fuh tun off fuh gwine ter him house.[6](6/ "tree and pragmatics") De Ole Man gree fuh do so, an eh liff Buh Rabbit up, an eh pit um een eh waggin long side de pile er fish.[7](7/ "tree and pragmatics") Buh Rabbit leddown luk eh dead.[8](8/ "tree and pragmatics") De Ole Man back tun ter Buh Rabbit.[9](9/ "tree and pragmatics") Een er leely while Buh Rabbit biggin fuh slip fish outer de waggin, an trow um, onbeknowinst ter de Ole Man, een de bush wuh bin er grow long side er de road.[10](10/ "tree and pragmatics") Wen dem mose git ter de place way de Ole Man gwine tun out de big road, Buh Rabbit hop outer de waggin dout de Ole Man shum, an run back an gedder all de fish wuh him bin tief.[11](11/ "tree and pragmatics") Es de Ole Man retch eh big gate, eh look behine fuh see how Buh Rabbit duh mek out; an de fus ting eh know Buh Rabbit yent day een de waggin, an heap er him fish done missin.[12](12/ "tree and pragmatics") Den de Ole Man fine out say Buh Rabbit bin fool um an tief eh fish.[13](13/ "tree and pragmatics") De Ole Man berry bex, an eh dribe home an tell eh wife bout de ting.[14](14/ "tree and pragmatics") Arter Buh Rabbit done gedder de fish wuh eh bin tief outer de Ole Man waggin, eh pit um on tring, an eh start fuh tote um ter him house.[15](15/ "tree and pragmatics") Buh Fox meet um, an eh quire way eh git all dem fish.[16](16/ "tree and pragmatics") Buh Rabbit up an tell um.[17](17/ "tree and pragmatics") Buh Fox say him want git some too.[18](18/ "tree and pragmatics") Den Buh Rabbit mek um senserble wen de Ole Man gwine come long de road, an eh show um good place fuh him fuh wuk eh plan fuh do dist es him bin do.[19](19/ "tree and pragmatics") De nex day Buh Fox tek eh stan sider de big road an wait fuh de Ole Man an eh waggin.[20](20/ "tree and pragmatics") Befo long yuh eh come.[21](21/ "tree and pragmatics") Buh Fox trow isself in de groun, an roll ober, an moan berry pitiful.[22](22/ "tree and pragmatics") De Ole Man shum, an eh light offer eh waggin an run up ter um wid eh big whip een eh han.[23](23/ "tree and pragmatics") Buh Fox bin tink say de Ole Man gwine pity um, an tek um een eh waggin same luk eh done Buh Rabbit.[24](24/ "tree and pragmatics") Steader dat, an befo eh fine out, de Ole Man knock um een de head wid de butt er eh whip an stunted um.[25](25/ "tree and pragmatics") Den eh beat um ter det, an eh tek um up an eh trow um een eh waggin, an eh dribe home.[26](26/ "tree and pragmatics") Wen eh git day eh call eh wife an eh show um de tief wuh bin tek eh fish.[27](27/ "tree and pragmatics") De Ole Man yent bin know de diffunce tween Buh Rabbit an Buh Fox.[28](28/ "tree and pragmatics") Eh tink all two bin de same animel.[29](29/ "tree and pragmatics") Buh Rabbit, him no care so eh sabe isself.[30](30/ "tree and pragmatics") Him bin know say Buh Fox gwine ketch de debble wen de Ole Man come pon topper um.[31](31/ "tree and pragmatics") XLII.[32](32/ "tree and pragmatics") BUH RABBIT, BUH WOLF, AN DE YEARLIN.[33](33/ "tree and pragmatics") Buh Rabbit an Buh Wolf come inter cohoot fuh kill cow.[34](34/ "tree and pragmatics") Dem gone een de paster an pick out one fat yearlin, an run um down, an ketch um, an cut eh troat.[35](35/ "tree and pragmatics") Den dem skin um an share de meat.[36](36/ "tree and pragmatics") Buh Wolf claim de bigges part, case him hab de bigges fambly.[37](37/ "tree and pragmatics") Eh strong mo ner Buh Rabbit, an so Buh Rabbit yent hab de power fuh mek um do jestice.[38](38/ "tree and pragmatics") But ef Buh Wolf hab de strenk, Buh Rabbit hab de bes sense.[39](39/ "tree and pragmatics") So wuh Buh Rabbit do?[40](40/ "tree and pragmatics") Eh tek some salt outer him bag, an eh buil fire, an eh brile some er de yearlin meat on de coals, an eh eat um right befo Buh Wolf.[41](41/ "tree and pragmatics") Soon es eh done eat um, eh cry out an eh say eh hab pain er belly, an eh double ehself all up, an eh roll eh yeye, an eh waller all long de groun, an eh mek all sorter curous motion an noise.[42](42/ "tree and pragmatics") Buh Wolf skaid, an eh conclude say de meat yent good.[43](43/ "tree and pragmatics") Eh tink say eh pizen Buh Rabbit, an dem gree fuh leff um.[44](44/ "tree and pragmatics") Buh Wolf wait tel Buh Rabbit sorter come teh, an den eh help um ter him house an tell um goodbye.[45](45/ "tree and pragmatics") Wen sun down an eh biggin fuh dark, Buh Rabbit gedder him fambly, and dem gone an git de yearlin meat, an dem cahr um home an dem eat um.[46](46/ "tree and pragmatics") Nuttne bin ail de meat.[47](47/ "tree and pragmatics") Eh bin soun an sweet, an Buh Rabbit do dis fuh fool Buh Wolf an git him share too.[48](48/ "tree and pragmatics") XLIII.[49](49/ "tree and pragmatics") BUH RABBIT, BUH WOLF, DE DOG, AN DE GOOSE.[50](50/ "tree and pragmatics") Arter dat time wen Buh Rabbit bin play dat trick on Buh Wolf an ride um up ter de Gal house wuh dem all two bin er cote, Buh Wolf berry bex long Buh Rabbit, an eh wan ketch um fuh gie um good lickin.[51](51/ "tree and pragmatics") Buh Rabbit, him so smate eh keep outer Buh Wolf way so eh couldnt come pon topper um.[52](52/ "tree and pragmatics") Buh Wolf hire one dog fuh help um ketch Buh Rabbit.[53](53/ "tree and pragmatics") One day de Dog meet Buh Rabbit der wood, an dout say one wud ter um, eh lean arter um fuh ketch um.[54](54/ "tree and pragmatics") Buh Rabbit run, but de Dog push um so tight Buh Rabbit, fuh sabe ehself, jump een one holler oak tree.[55](55/ "tree and pragmatics") De hole bin too leely fuh de Dog fuh foller um, an so Buh Rabbit mek ehself saterfy say eh done git way.[56](56/ "tree and pragmatics") Bimeby eh yeddy de Dog call one goose, an tell um fuh watch de holler tel him kin git some fire an moss fuh smoke Buh Rabbit outer de tree.[57](57/ "tree and pragmatics") Wen de Dog gone fuh gedder de moss an git de fire, Buh Rabbit call ter de Goose an ax um: “How you duh watch me wen you no see me?”[58](58/ "tree and pragmatics") Wid dat de Goose poke eh long head een de holler fuh look fuh Buh Rabbit.[59](59/ "tree and pragmatics") Es eh do dat, Buh Rabbit trow rotten wood een eh yeye.[60](60/ "tree and pragmatics") Eh bline de Goose, an eh draw eh head out, an wile eh duh fight fuh git de rotten wood outer eh yeye Buh Rabbit slip out an gone.[61](61/ "tree and pragmatics") Wen de Dog come back, eh stuff de moss een de holler, an eh pit fire ter um, an eh mek er hebby smoke; but eh cant see ner yeddy nuttne bout Buh Rabbit.[62](62/ "tree and pragmatics") Den eh biggin fuh spicion say Buh Rabbit might er git out, an eh tackle de Goose bout um.[63](63/ "tree and pragmatics") Eh notus de Goose yeye red an eh duh run water.[64](64/ "tree and pragmatics") De Goose tell um how Buh Rabbit bin trow rotten wood een eh yeye wen eh bin er peep up de holler.[65](65/ "tree and pragmatics") Den de Dog know fuh sutten say Buh Rabbit bin wuk dat plan fuh git way, an dat eh done gone fuh true.[66](66/ "tree and pragmatics") Eh so bex eh cuss de Goose fuh er fool, an eh tun on um fuh stroy um.[67](67/ "tree and pragmatics") De Goose holler, an manage fuh sail way een de element, but eh leff eh fedder een de Dog mouf.[68](68/ "tree and pragmatics") XLIV.[69](69/ "tree and pragmatics") BUH SQUIRLE AN BUH FOX.[70](70/ "tree and pragmatics") Buh Squirle bin berry busy duh gedder hickry not on de groun fuh pit way fuh feed ehself an eh fambly duh winter time.[71](71/ "tree and pragmatics") Buh Fox bin er watch um, an befo Buh Squirle shum, eh slip up an eh graff um.[72](72/ "tree and pragmatics") Buh Squirle, eh dat skaid eh trimble all ober, an eh bague Buh Fox fuh lem go.[73](73/ "tree and pragmatics") Buh Fox tell um say eh bin er try fuh ketch um long time, but eh hab sich sharp yeye, an keen yez, an spry leg, eh manage fuh dodge um; an now wen eh got um at las, eh mean fuh kill um an eat um.[74](74/ "tree and pragmatics") Wen Buh Squirle fine out dat Buh Fox yent bin gwine pity um an tun um loose, but dat eh fix fuh kill um an eat um, Buh Squirle say teh Buh Fox: “Enty you know say nobody oughter eat eh bittle befo eh say grace ober um?”[75](75/ "tree and pragmatics") Buh Fox him mek answer: “Dat so;” an wid dat eh pit Buh Squirle een front er um, an eh fall on eh knee, an eh kibber eh yeye wid eh han, an eh tun een fuh say grace.[76](76/ "tree and pragmatics") **1** [2](https://md.mova.elamur.ai/free/en/corpora/tales/pg76586/10/page/2/) - ← previous: [Opening, part 9](https://md.mova.elamur.ai/free/en/corpora/tales/pg76586/9/) - next →: [page 2](https://md.mova.elamur.ai/free/en/corpora/tales/pg76586/10/page/2/) - ↑ back to [Negro myths from the Georgia coast, told in the vernacular](https://md.mova.elamur.ai/free/en/corpora/tales/pg76586/)