--- title: Opening, part 10 — Negro myths from the Georgia coast, told in the… · full text with trees · page 2 description: Opening, part 10, «Negro myths from the Georgia coast, told in the vernacular» by Charles C., Jr. Jones: the whole chapter, every sentence with its dependency tree and pragmatics. It begins: Buh Rabbit watch de Ole Man es eh pass day arter day long de big road, an eh hanker arter de fish, but eh yen --- [Mova](https://md.mova.elamur.ai/free/en/) · [this page in HTML](https://mova.elamur.ai/free/en/corpora/tales/pg76586/10/page/2/) [home](https://md.mova.elamur.ai/free/en/) / [corpora](https://md.mova.elamur.ai/free/en/corpora/) / [tales](https://md.mova.elamur.ai/free/en/corpora/tales/) / [Negro myths from the Georgia coast, to…](https://md.mova.elamur.ai/free/en/corpora/tales/pg76586/) / Opening, part 10 # Opening, part 10 · page 2 [1](https://md.mova.elamur.ai/free/en/corpora/tales/pg76586/10/) **2** Wile Buh Fox bin er do dis, Buh Squirle manage fuh slip way; an wen Buh Fox open eh yeye, eh see Buh Squirle duh run up de tree way him couldnt tetch um.[77](../../77/ "tree and pragmatics") Buh Fox fine eh couldnt help ehself, an eh call arter Buh Squirle an eh say: “Nummine, Boy, you done git way now, but de nex time me clap dis han topper you, me gwine eat you fus an say grace arterward.”[78](../../78/ "tree and pragmatics") Bes plan fuh er man fuh mek sho er eh bittle befo eh say tenky fuh um.[79](../../79/ "tree and pragmatics") XLV.[80](../../80/ "tree and pragmatics") BUH RABBIT, BUH WOLF, AN DE BUCKRA MAN.[81](../../81/ "tree and pragmatics") Er Buckra man bin hab er gang er sheep.[82](../../82/ "tree and pragmatics") Ebry now an den eh miss one.[83](../../83/ "tree and pragmatics") Eh sarche eh fiel, an eh see Buh Wolf track day, an eh mek up eh mine say him bin er de one wuh duh tief eh sheep.[84](../../84/ "tree and pragmatics") Eh fix heaper plan fuh ketch um, but eh fail.[85](../../85/ "tree and pragmatics") At lenk eh call een Buh Rabbit, case eh hab summuch sense, fuh help um.[86](../../86/ "tree and pragmatics") Buh Rabbit, him gree fuh do so ef de Buckra man would len um one horse, an would prommus no fuh tell Buh Wolf nuttne bout de ting.[87](../../87/ "tree and pragmatics") De Buckra man gen um de prommus an len um de horse.[88](../../88/ "tree and pragmatics") Buh Rabbit ride de horse ter him house, an eh sen wud ter Buh Wolf say him dist bin buy er fine ridin horse, an him want um fuh come an tek er ride long um.[89](../../89/ "tree and pragmatics") Buh Wolf, him come, an wen eh look topper de horse eh tell Buh Rabbit him would lub fuh ride um, but dat him faid say de horse gwine fling um.[90](../../90/ "tree and pragmatics") Buh Rabbit mek answer say him mussnt faid; dat him gwine pit saddle on de horse, an wen Buh Wolf git een um eh gwine tie eh leg so him cant fall off; an, mo ner dat, him gwine git up behine fuh hole um on.[91](../../91/ "tree and pragmatics") Arter dat Buh Wolf seem saterfy.[92](../../92/ "tree and pragmatics") Buh Rabbit trow de saddle on de horse an gelt um tight.[93](../../93/ "tree and pragmatics") Den Buh Wolf climb up an tek eh seat.[94](../../94/ "tree and pragmatics") Buh Rabbit tek string, an eh tie Buh Wolf leg fas ter de stirrup.[95](../../95/ "tree and pragmatics") Now eh say: “Me gwine git up behine fuh hole you on.”[96](../../96/ "tree and pragmatics") Steader dat, wen Buh Wolf yent bin er notus, eh step back, an eh tek er bunch er cock-spur an eh lick um onder de horse tail.[97](../../97/ "tree and pragmatics") De ting hot de animel so bad, eh jump, an eh pitch, an eh kick up.[98](../../98/ "tree and pragmatics") Buh Wolf grab de bridle an juk de horse mouf, an dat mek um rare up.[99](../../99/ "tree and pragmatics") Buh Wolf git rale skaid, an eh holler fuh Buh Rabbit fuh tek um off.[100](../../100/ "tree and pragmatics") Buh Rabbit tell um fuh hole on tel him kin onloose de saddle.[101](../../101/ "tree and pragmatics") All dis time de horse bin er cut sich caper Buh Wolf couldnt manage um, an so eh drap de bridle an heng on ter eh mange fuh keep from fall off.[102](../../102/ "tree and pragmatics") Wen de horse fine say eh head loose, eh mek fuh home; an befo Buh Wolf fine out eh run tru de big gate an roun de house ter de stable.[103](../../103/ "tree and pragmatics") De Buckra man bin er set een eh piazza, an eh see wen de horse come up wid Buh Wolf der heng topper eh neck.[104](../../104/ "tree and pragmatics") Eh run ter de stable, an eh leh de horse an Buh Wolf een.[105](../../105/ "tree and pragmatics") Den eh call eh driber, an dem ontie Buh Wolf an fastne um ter one tree.[106](../../106/ "tree and pragmatics") Arter dem bin gen um bout one hundud lash, Buh Rabbit run up an bague de Buckra man fuh tun Buh Wolf loose.[107](../../107/ "tree and pragmatics") Eh did tun um loose.[108](../../108/ "tree and pragmatics") Buh Wolf nebber did fine out say Buh Rabbit bin fix dis plan fuh pit um een de Buckra man han, an eh tell Buh Rabbit heap er tenky fuh de faber wuh him bin done ter um.[109](../../109/ "tree and pragmatics") Ebry time you yeddy bout Buh Rabbit you fine um duh come out head.[110](../../110/ "tree and pragmatics") XLVI.[111](../../111/ "tree and pragmatics") BUH RABBIT AN BUH WOLF FUNERAL.[112](../../112/ "tree and pragmatics") Buh Rabbit fool Buh Wolf so many time, an een sich diffrunt fashion, dat eh outdone wid um.[113](../../113/ "tree and pragmatics") Ebry time eh try fuh ketch um fuh lick um, Buh Rabbit somehow er narruh slip tru eh han an git way.[114](../../114/ "tree and pragmatics") Buh Wolf, him hire edder people fuh wuk plan fuh git de better er Buh Rabbit an pit um een eh power, but, bless you soul! dem fail too, an Buh Rabbit, him go clear.[115](../../115/ "tree and pragmatics") De ting mose worry Buh Wolf life outer um.[116](../../116/ "tree and pragmatics") Eh fret so bout um tel eh biggin fuh tun rale po.[117](../../117/ "tree and pragmatics") At lenk Buh Wolf gie out say him berry sick.[118](../../118/ "tree and pragmatics") Leely wile arter dat, de news come dat Buh Wolf dead.[119](../../119/ "tree and pragmatics") Eh wife eenwite all eh fren ter de funeral.[120](../../120/ "tree and pragmatics") Buh Wolf mek sho say eh gwine ketch Buh Rabbit now.[121](../../121/ "tree and pragmatics") Buh Bear, him bin der de passon.[122](../../122/ "tree and pragmatics") Dog come.[123](../../123/ "tree and pragmatics") Roccoon come.[124](../../124/ "tree and pragmatics") Squirle come.[125](../../125/ "tree and pragmatics") Possum come.[126](../../126/ "tree and pragmatics") Cow come.[127](../../127/ "tree and pragmatics") Alligatur an Cooter, dem come.[128](../../128/ "tree and pragmatics") Deer, him bin day too.[129](../../129/ "tree and pragmatics") Buh Wolf, him bin er lay out on er bench een de middle er him house, kibber ober wid er wite clorte, an eh wife an eh chillun duh tan roun um duh cry.[130](../../130/ "tree and pragmatics") Buh Owl, him fetch er spade fuh dig de grabe, an bud bin day too fuh sing er hyme.[131](../../131/ "tree and pragmatics") Wen dem all bin gedder, Buh Rabbit enter dist es careful, an tek eh stan jes by de do.[132](../../132/ "tree and pragmatics") Dem wait leely wile fuh Buh Fox, but him sen wud say him wife hab feber an him couldnt leff um.[133](../../133/ "tree and pragmatics") Den Buh Bear, him tek eh book an eh read um, an eh preach er sarmint.[134](../../134/ "tree and pragmatics") Arter dat de Mockinbud raise er chune, an dem all sing.[135](../../135/ "tree and pragmatics") All dis time Buh Wolf bin er leddown, tretch out ter eh full lenk, and stiff lucker eh bin dead fuh true.[136](../../136/ "tree and pragmatics") Eh hole eh bref so tight, nobody could yeddy um breave.[137](../../137/ "tree and pragmatics") Wen de preachin an de singin done ober, dem all gone up fuh tek dem las look at Buh Wolf befo dem tote um out fuh bury um.[138](../../138/ "tree and pragmatics") Dem raise up de clorte wuh bin ober eh face, an eh look dist es natrul; an dem tell um goodbye one by one.[139](../../139/ "tree and pragmatics") Buh Rabbit him walk up las, an eh yent gone berry close needer.[140](../../140/ "tree and pragmatics") Buh Rabbit always tote eh good sense bout um, an eh nebber will run no resk.[141](../../141/ "tree and pragmatics") Es eh come fuh look topper Buh Wolf, Buh Wolf bin spec say eh woulder tan so close dat eh coulder graff um.[142](../../142/ "tree and pragmatics") But wen eh fine Buh Rabbit sorter skittish, an eh duh ease ehself off, eh tek de chance, an, all ober sutten, eh trow ehself offer de bench an eh mek arter Buh Rabbit.[143](../../143/ "tree and pragmatics") Buh Rabbit, him bin hab eh yeye on Buh Wolf all de time, an befo Buh Wolf could mek eh way tru de crowd an come up long um, Buh Rabbit slip out de back do an trow ehself een de brier patch, way Buh Wolf couldnt foller um.[144](../../144/ "tree and pragmatics") De people all stonish, an wen dem fine out de trute er de ting, dem berry bex; an, befo dem leff, dem bemean Buh Wolf sich er fashion eh bin shame fuh show ehself een de settlement fuh many er days.[145](../../145/ "tree and pragmatics") Dat bin er dutty trick wuh Buh Wolf play on eh fren and on Buh Rabbit, but Buh Rabbit, him outdo um.[146](../../146/ "tree and pragmatics") [1](https://md.mova.elamur.ai/free/en/corpora/tales/pg76586/10/) **2** - ← previous: [page 1](https://md.mova.elamur.ai/free/en/corpora/tales/pg76586/10/) - next →: [Opening, part 11](https://md.mova.elamur.ai/free/en/corpora/tales/pg76586/11/) - ↑ back to [Negro myths from the Georgia coast, told in the vernacular](https://md.mova.elamur.ai/free/en/corpora/tales/pg76586/)