--- title: Opening, part 11 — Negro myths from the Georgia coast, told in the… · full text with trees description: Opening, part 11, «Negro myths from the Georgia coast, told in the vernacular» by Charles C., Jr. Jones: the whole chapter, every sentence with its dependency tree and pragmatics. It begins: XLVII. --- [Mova](https://md.mova.elamur.ai/free/en/) · [this page in HTML](https://mova.elamur.ai/free/en/corpora/tales/pg76586/11/) [home](https://md.mova.elamur.ai/free/en/) / [corpora](https://md.mova.elamur.ai/free/en/corpora/) / [tales](https://md.mova.elamur.ai/free/en/corpora/tales/) / [Negro myths from the Georgia coast, to…](https://md.mova.elamur.ai/free/en/corpora/tales/pg76586/) / Opening, part 11 # Opening, part 11 Opening, part 11 of «Negro myths from the Georgia coast, told in the vernacular» by Charles C., Jr. Jones: the whole text, 152 sentences and 2620 words. The small number after every sentence leads to its own page with its syntax tree and pragmatics, parsed by Mova itself. **1** [2](https://md.mova.elamur.ai/free/en/corpora/tales/pg76586/11/page/2/) XLVII.[1](1/ "tree and pragmatics") DE NEW NIGGER AN EH MOSSA.[2](2/ "tree and pragmatics") Er New Nigger notus say eh Mossa heap er time duh seddown wid eh foot cross, yent duh say nuttne an yent duh do nuttne, wen him haffer wuk all de time.[3](3/ "tree and pragmatics") One day eh ax eh Mossa huccum dat.[4](4/ "tree and pragmatics") De Buckra man answer: “Wen you see me duh seddown, an you tink me duh lazy, same time me duh wuk long me head, an duh mek plan, an study pon ting.”[5](5/ "tree and pragmatics") Soon arter dat de Buckra man come pon topper de New Nigger een de fiel.[6](6/ "tree and pragmatics") De sun hot.[7](7/ "tree and pragmatics") Eh bin drap eh hoe, an bin er seddown on de cotton bed duh res ehself.[8](8/ "tree and pragmatics") De Buckra man git bex case de Nigger bin er glec eh wuk, an eh say ter um: “Huccum you stop de wuk wuh me bin gen you fuh do?[9](9/ "tree and pragmatics") Wuh mek you duh lazy disher fashion?”[10](10/ "tree and pragmatics") Den de New Nigger, him mek answer: “Mossa, me duh wuk long me head.”[11](11/ "tree and pragmatics") Wen de Buckra man quire wuh kind er head wuk him duh do, de New Nigger say: “Mossa, ef you see tree pigeon duh set on dat tree limb, an you shoot an kill one er dem, how many gwine leff?”[12](12/ "tree and pragmatics") Eh Mossa reply: “Any fool kin tell dat.[13](13/ "tree and pragmatics") Ob scource two gwine leff.”[14](14/ "tree and pragmatics") De New Nigger, him mek answer: “No, Mossa, you miss.[15](15/ "tree and pragmatics") Ef you shoot an kill one er dem pigeon, de edder two boun fuh fly way, an none gwine leff.”[16](16/ "tree and pragmatics") De Buckra man bleege fuh laugh, an eh yent do nuttne ter de New Nigger case eh glec eh wuk.[17](17/ "tree and pragmatics") XLVIII.[18](18/ "tree and pragmatics") BUH RABBIT AN DE KING DARTER.[19](19/ "tree and pragmatics") Dere was er King wuh bin hab er pooty Darter, an heap er people bin er cote um.[20](20/ "tree and pragmatics") De gal couldnt mek up eh mine which one fuh tek, an so eh ax eh farruh fuh help um pick.[21](21/ "tree and pragmatics") Den eh farruh, wuh bin de King, gen out wud say de one wuh kin fetch ter um de Alligatur yeye teet, an water from de Deer yeye, shill hab eh Darter.[22](22/ "tree and pragmatics") All dem wuh bin er cote de gal fix plan fuh git dem ting, but dem fail.[23](23/ "tree and pragmatics") Ebry body bin faid Alligatur, an nobody could outrun Buh Deer.[24](24/ "tree and pragmatics") Buh Rabbit, him bin berry lub de gal, an him hanker arter marry um, so eh study bout de ting an mek eh scheme.[25](25/ "tree and pragmatics") Eh tek eh fiddle an eh gone ter de ribber bank, an eh play er funny chune, an eh sing er funny song.[26](26/ "tree and pragmatics") Buh Alligatur yeddy um; an bimeby eh crawl outer de mash grass, an eh leddown close by Buh Rabbit, so him kin ketch all wuh Buh Rabbit der play an der sing.[27](27/ "tree and pragmatics") Buh Rabbit do eh bes, an de ting tickle Buh Alligatur so bad eh laugh berry harty.[28](28/ "tree and pragmatics") Buh Rabbit play an sing, an pick eh chance, an wen Buh Alligatur duh shet eh yeye an open eh mout fuh laugh, eh tek eh fiddle bow an, all ob er sutten, eh knock one er Buh Alligatur yeye teet outer eh head.[29](29/ "tree and pragmatics") Befo eh fine out, Buh Rabbit done pick up de teet an gone.[30](30/ "tree and pragmatics") Den Buh Rabbit notus way Buh Deer blan ramble der wood, an eh dig er deep hole, an eh kibber um ober complete long dut, an pine straw, an oak leaf.[31](31/ "tree and pragmatics") Eh hide een de bush oneside duh watch.[32](32/ "tree and pragmatics") Bimeby Buh Deer, him come long duh eat grass, an befo eh fine out, de groun gie way onder eh foot, an eh drap bottom er de hole.[33](33/ "tree and pragmatics") Buh Deer dat skaid eh dunno wuffer do.[34](34/ "tree and pragmatics") Eh scuffle.[35](35/ "tree and pragmatics") Eh holler, but eh couldnt git out.[36](36/ "tree and pragmatics") Buh Rabbit run day, an eh tell um say dog bin on eh track, an dat dem mose git day.[37](37/ "tree and pragmatics") Wid dat Buh Deer gib up, an biggin fuh cry.[38](38/ "tree and pragmatics") Den Buh Rabbit, him slip een de hole wid er leely calabash, an eh ketch de water duh run down from Buh Deer yeye.[39](39/ "tree and pragmatics") Arter dat eh gone home, an eh tek de Alligatur yeye teet, an de calabash wuh hab de Deer yeye water een um, an eh light out fuh de King house.[40](40/ "tree and pragmatics") Wen him show de King wuh him bring, de King gree say Buh Rabbit head er all dem wuh bin er cote him Darter, an eh gen um de gal, an dem bin hab er hebby weddin.[41](41/ "tree and pragmatics") XLIX.[42](42/ "tree and pragmatics") DE SINGLE BALL.[43](43/ "tree and pragmatics") Er Buckra man bin berry lub fuh hunt deer.[44](44/ "tree and pragmatics") Eh nussen fuh brag too.[45](45/ "tree and pragmatics") Eh hab er Serbant wuh always gone wid um der wood fuh dribe de deer.[46](46/ "tree and pragmatics") Him bin berry fond er eh Mossa, an eh ready any time fuh schway ter de tale wuh him tell bout how much deer dem kill, an way dem shoot um.[47](47/ "tree and pragmatics") One time dis Buckra man bin tell eh fren say him shoot er deer long er rifle, an wen eh gone fuh zamine um, eh fine say de ball shoot off eh hine foot an hit um een eh yez.[48](48/ "tree and pragmatics") Him fren couldnt see how dat happne, an dem yent bin want fuh bleeve de tale.[49](49/ "tree and pragmatics") Den de hunter man call pon topper him Serbant fuh proobe wuh him bin say.[50](50/ "tree and pragmatics") De Serbant speak de wud same luk him Mossa bin talk um.[51](51/ "tree and pragmatics") Den de gentlemans ax um how de same ball could er hit de deer een eh hine foot an een eh yez same time.[52](52/ "tree and pragmatics") De Nigger cratch eh head, an den eh mek answer: “Gentlemans, me spec wen Mossa fire pon topper um, de deer mus be bin er bresh fly offer eh yez wid eh hine foot.”[53](53/ "tree and pragmatics") Dat sorter saterfy de gentlemans, an sabe de Buckra man wud.[54](54/ "tree and pragmatics") Arter de gentlemans done gone, de Serbant call eh Mossa one side an eh say: “Mossa, me willin fuh back anyting you say bout hunt an kill deer, but lemme bague you nex time you tell bout how you shoot um, you pit de hole closer.[55](55/ "tree and pragmatics") Dis time you mek um so fur apart, me hab big trouble fur git um togerruh.”[56](56/ "tree and pragmatics") L.[57](57/ "tree and pragmatics") BUH ROCCOON AN BUH POSSUM.[58](58/ "tree and pragmatics") Buh Roccoon ax Buh Possum wuh mek, wen de dog tackle um, eh double up ehself, an kibber eh yeye wid eh han, an wunt fight lucker man an lick de dog off.[59](59/ "tree and pragmatics") Buh Possum grin eh teet same lucker fool, an eh say, wen de dog come pon topper um, dem tickle him rib so bad long dem mout dat him bleege ter laugh; an so him furgit fuh fight.[60](60/ "tree and pragmatics") Coward man hab all kind er lie fuh tell fuh scuse ehself.[61](61/ "tree and pragmatics") LI.[62](62/ "tree and pragmatics") BUH WOLF, BUH RABBIT, AN DE RAIN.[63](63/ "tree and pragmatics") Buh Wolf bin er set een de do er him house duh play eh fiddle.[64](64/ "tree and pragmatics") Lord er massy! how dat animel did mek dat fiddle talk\![65](65/ "tree and pragmatics") Buh Wolf yeye shet tight, an eh dis bin er rock from side ter side, an draw eh bow teh eh berry lenk, en der pat de time wid eh foot.[66](66/ "tree and pragmatics") Er hebby shower er rain come on.[67](67/ "tree and pragmatics") Buh Rabbit, him bin een de big road not fur from Buh Wolf house.[68](68/ "tree and pragmatics") Buh Rabbit yent lub rain, an eh try fuh shelter ehself onder er oak tree wuh kibber wid long moss.[69](69/ "tree and pragmatics") De rain lick um een eh yez, an eh leff fuh hunt better place.[70](70/ "tree and pragmatics") Es eh pass by Buh Wolf house, eh notus Buh Wolf duh set een de do duh play eh fiddle.[71](71/ "tree and pragmatics") Buh Wolf so tek up wid eh play dat eh shet eh yeye an yent duh watch wuh gwine on roun um.[72](72/ "tree and pragmatics") So Buh Rabbit mek up eh mine fuh slip een de do pass Buh Wolf, an set een him house tel de rain done ober.[73](73/ "tree and pragmatics") Buh Rabbit foot so sofe nobody kin yeddy um wen eh walk.[74](74/ "tree and pragmatics") Him no know, but Buh Wolf ketch sight er um outer de corner ob him yeye wen Buh Rabbit hop een de do an run back side er de room.[75](75/ "tree and pragmatics") Eh sed down day an mek ehself saterfy, an duh wait topper de rain.[76](76/ "tree and pragmatics") Buh Wolf him yent leh Buh Rabbit know say him shum, but eh biggin fuh tun eh chune, an eh play an eh sing: “Tenk God, rain done sen meat een me house.[77](77/ "tree and pragmatics") Tenk God, rain done sen meat een me house.”[78](78/ "tree and pragmatics") Buh Rabbit yeddy; an eh spicion say Buh Wolf smell um, an fine out say him bin een eh house.[79](79/ "tree and pragmatics") Buh Rabbit hair rise, an eh want fuh git out, but eh faid fuh slip back trough de do way Buh Wolf bin er sed down.[80](80/ "tree and pragmatics") Buh Rabbit berry oneasy een eh mine, an eh duh consider plan fuh mek eh scape.[81](81/ "tree and pragmatics") **1** [2](https://md.mova.elamur.ai/free/en/corpora/tales/pg76586/11/page/2/) - ← previous: [Opening, part 10](https://md.mova.elamur.ai/free/en/corpora/tales/pg76586/10/) - next →: [page 2](https://md.mova.elamur.ai/free/en/corpora/tales/pg76586/11/page/2/) - ↑ back to [Negro myths from the Georgia coast, told in the vernacular](https://md.mova.elamur.ai/free/en/corpora/tales/pg76586/)