--- title: Opening, part 12 — Negro myths from the Georgia coast, told in the… · full text with trees description: Opening, part 12, «Negro myths from the Georgia coast, told in the vernacular» by Charles C., Jr. Jones: the whole chapter, every sentence with its dependency tree and pragmatics. It begins: Heap er people willin’ fuh notus er pooty noung widder, wen dem no want bodder long narruh man chillun. --- [Mova](https://md.mova.elamur.ai/free/en/) · [this page in HTML](https://mova.elamur.ai/free/en/corpora/tales/pg76586/12/) [home](https://md.mova.elamur.ai/free/en/) / [corpora](https://md.mova.elamur.ai/free/en/corpora/) / [tales](https://md.mova.elamur.ai/free/en/corpora/tales/) / [Negro myths from the Georgia coast, to…](https://md.mova.elamur.ai/free/en/corpora/tales/pg76586/) / Opening, part 12 # Opening, part 12 Opening, part 12 of «Negro myths from the Georgia coast, told in the vernacular» by Charles C., Jr. Jones: the whole text, 136 sentences and 2662 words. The small number after every sentence leads to its own page with its syntax tree and pragmatics, parsed by Mova itself. **1** [2](https://md.mova.elamur.ai/free/en/corpora/tales/pg76586/12/page/2/) Heap er people willin’ fuh notus er pooty noung widder, wen dem no want bodder long narruh man chillun.[1](1/ "tree and pragmatics") LIV.[2](2/ "tree and pragmatics") BUH RABBIT, BUH PATTRIDGE, AN DE COW.[3](3/ "tree and pragmatics") Buh Rabbit, him berry greedy, an him lub fuh tell lie.[4](4/ "tree and pragmatics") Him an Buh Pattridge mek greement fuh kill Cow.[5](5/ "tree and pragmatics") Buh Pattridge ax Buh Rabbit: “Way we gwine butcher um?”[6](6/ "tree and pragmatics") Buh Rabbit say: “Less we dribe um close up ter my house befo we kill um.”[7](7/ "tree and pragmatics") Dem done dat, an arter dem kill an skin de Cow, dem cut um up fuh share um.[8](8/ "tree and pragmatics") Den Buh Rabbit tell Buh Pattridge: “You tek one er de fore-quarter, caze you know you leetle an cant tote much one time, an me radder you tek de fore-quarter anyhow, caze eh nex de heart, an eh mo sweeter den de res er de meat.”[9](9/ "tree and pragmatics") So Buh Pattridge tek one er de fore-quarter an leff fuh him house.[10](10/ "tree and pragmatics") Soon es Buh Pattridge gone duh tote eh meat home, Buh Rabbit tun een an tote all de res er de Cow ter him house, an pit um een eh room, an lock de do.[11](11/ "tree and pragmatics") Den eh stan outside duh watch fuh see wen Buh Pattridge would er come back fuh mo meat, so dem all two could er meet same time at de place way dem bin butcher de Cow.[12](12/ "tree and pragmatics") Buh Rabbit leh Buh Pattridge git er leely way ahead er um es dem gwine back ter de spot way de Cow bin kill, an wen eh come up eh say: “Hi\![13](13/ "tree and pragmatics") Buh Pattridge, way all de meat gone?”[14](14/ "tree and pragmatics") Buh Pattridge, him mek answer: “Me dis bin gwine ax you wuh you bin do wid all de meat.”[15](15/ "tree and pragmatics") Buh Rabbit say: “How you kin ax me sich er question, wen me bin see er whole gang er Pattridge dis gone from yuh?[16](16/ "tree and pragmatics") Me sho say you an you fambly bin come back fuh tek anarruh tun long de meat.”[17](17/ "tree and pragmatics") Buh Pattridge mek answer say him an eh fambly nebber bin nigh de Cow sence eh fus leff um.[18](18/ "tree and pragmatics") Den Buh Rabbit schway say: “Ef eh yender you, somebody else muster tief de Cow meat wen we all two bin gone;” an so eh fool Buh Pattridge, an mek um bleebe say strange people muster slip up an cahr off de meat, wen all de time him binner de tief, an hab um lock up safe een him house.[19](19/ "tree and pragmatics") You nebber kin trus Buh Rabbit.[20](20/ "tree and pragmatics") Eh all fuh ehself; an ef you listne ter him tale, eh gwine cheat you ebry time, an tell de bigges lie dout wink eh yeye.[21](21/ "tree and pragmatics") LV.[22](22/ "tree and pragmatics") DE FIDDLER, BUH TIGER, AN BUH BEAR.[23](23/ "tree and pragmatics") Long time ago dere bin er Ebo man wuh bin er great fiddler.[24](24/ "tree and pragmatics") Eh know better den all dem tarruh people wuffer do long fiddle.[25](25/ "tree and pragmatics") Wen eh lean back, an shet eh yeye, an draw eh bow fuh tru, nobody wuh yeddy kin keep from shuffle eh foot.[26](26/ "tree and pragmatics") Ebry body roun de settlement blan gage um fuh mek de music fuh dem fuh dance.[27](27/ "tree and pragmatics") One day eh bin gwine fuh keep eh gagement fuh play at er party.[28](28/ "tree and pragmatics") Eh hab eh fiddle een er bag.[29](29/ "tree and pragmatics") Es eh bin der walk tru er deep swamp, Buh Tiger an Buh Bear tek eh track an run um.[30](30/ "tree and pragmatics") De man skaid wus den bad, but eh wunt drap eh fiddle.[31](31/ "tree and pragmatics") Eh clime one tree an fix ehself een one crotch.[32](32/ "tree and pragmatics") Fus ting eh know, Buh Tiger biggin fuh crawl up de tree fuh ketch um.[33](33/ "tree and pragmatics") De man holler and try fuh skaid de beas, but eh wunt skaid.[34](34/ "tree and pragmatics") Eh keep on duh clime up.[35](35/ "tree and pragmatics") Den de man draw eh fiddle an eh bow outer de bag, an biggin fuh play wid all eh strenk.[36](36/ "tree and pragmatics") Buh Tiger bleege fuh stop teh listne ter um.[37](37/ "tree and pragmatics") Een er leely wile de chune sweeten Buh Tiger so bad eh forgit ter foller de man, an eh tun roun an come down de tree, an him an Buh Bear graff han, an all two set een fuh dance.[38](38/ "tree and pragmatics") De faster de fiddler play, de faster dem dance.[39](39/ "tree and pragmatics") Dem gone roun an roun, up an down, tel dem dead tired.[40](40/ "tree and pragmatics") At lenk dem all two so outdone dem bleege fuh drap der groun an try fuh ketch dem win.[41](41/ "tree and pragmatics") Dem cant dance er foot furder, an dem duh try fuh keep de time long dem head.[42](42/ "tree and pragmatics") Wen de Fiddler notus how complete dem outdone, eh slip down de tree, an tek eh foot een eh han, an lean fuh de place way eh bin gwine.[43](43/ "tree and pragmatics") Buh Tiger an Buh Bear yent hab strenk fuh foller um: an so eh music sabe um.[44](44/ "tree and pragmatics") LVI.[45](45/ "tree and pragmatics") DE OLE KING AN DE NOUNG KING.[46](46/ "tree and pragmatics") Er ole King yeddy say dem gwine pit er noung King een him place.[47](47/ "tree and pragmatics") De ting worry um an mek um bex.[48](48/ "tree and pragmatics") Eh want fuh keep eh trone: so eh gen order teh eh head man fuh mek him soldier kill all de ole people een de nation, so de noung King shant hab no wise pusson fuh help um cahr on de bidness er de kingdom.[49](49/ "tree and pragmatics") De soldier tek dem gun an dem club, an dem massacree all de ageable people een de lan.[50](50/ "tree and pragmatics") Den de ole King sen wud teh de noung King, wuh de people bin pick out fuh rule ober dem, dat eh mus fetch um er fat hog, but eh musnt be eider er sow-hog, neider er bo-hog, but eh mus be er fat hog.[51](51/ "tree and pragmatics") Wen de noung King git de message, eh tun dis answer: “Tell de ole King say me hab er fat barruh een de pen, an him mus come fur um; but eh musnt come een de day, ner eh musnt come fuh um een de night.”[52](52/ "tree and pragmatics") De ole King, wen eh yeddy dis message, mek up eh mine say de noung King mus hab heap er sense, er else some wise man muster help um; an eh couldnt see how dat kin be, case all de ole an de wise people een de nation done kill.[53](53/ "tree and pragmatics") Eh no bin know dat wen de order gie fuh stroy all de ole people een de kingdom, de noung King hide eh farruh een one holler tree, an so eh mek eh scape from de soldier, an bin day fuh gen eh son sense.[54](54/ "tree and pragmatics") De noung King tun sich er smart answer, wid de help er eh farruh, dat de ole King couldnt mek out wuh time fuh gone fuh de fat hog; an so eh gib up, an de noung King, befo long, come an tun um out an tek eh office.[55](55/ "tree and pragmatics") LVII.[56](56/ "tree and pragmatics") BUH GOAT AN BUH WOLF.[57](57/ "tree and pragmatics") Buh Goat berry faid tunder an lightnin an rain.[58](58/ "tree and pragmatics") One day big tunder storm rise een de wes, an eh rain, an eh lightnin, an eh hail.[59](59/ "tree and pragmatics") Buh Goat an eh wife bin er feed een de wood close by Buh Wolf house.[60](60/ "tree and pragmatics") Wen de lightnin flash, an de tunder roll, an de rain po down, dem faid fuh stay een de wood, an dem run teh Buh Wolf house, an dem bague um fuh leh dem come een tel de storm done ober.[61](61/ "tree and pragmatics") Buh Wolf tell dem yes; an eh tun Buh Goat an eh wife een de shedroom, an eh shet de do behine dem an latch um.[62](62/ "tree and pragmatics") Buh Wolf shedroom yent bin hab bode flo.[63](63/ "tree and pragmatics") Eh mek topper de neked dut.[64](64/ "tree and pragmatics") Arter Buh Wolf done shet up Buh Goat an eh wife, eh git eh fiddle an eh biggin fuh play an sing: “Tenky goolly God, tunder an lightnin done sen meat een me house.[65](65/ "tree and pragmatics") Tenky goolly God, tunder an lightnin done sen meat een me house.”[66](66/ "tree and pragmatics") Buh Goat wife yeddy wuh Buh Wolf bin er play an sing, an eh say teh eh husbun: “Enty you yeddy wuh Buh Wolf duh play an duh sing: ‘Tenky goolly God, tunder an lightnin done sen meat een me house’?[67](67/ "tree and pragmatics") Him gwine kill an eat we.[68](68/ "tree and pragmatics") Better leh we grabble out an leff.”[69](69/ "tree and pragmatics") All dis time Buh Wolf wife bin er tell eh husbun: “You better mine wuh you duh sing.[70](70/ "tree and pragmatics") You better keep you mout shet.[71](71/ "tree and pragmatics") Buh Goat an eh wife gwine yeddy wuh you duh say.”[72](72/ "tree and pragmatics") Buh Wolf wouldnt listen ter um.[73](73/ "tree and pragmatics") Eh wouldnt stop.[74](74/ "tree and pragmatics") Him say de rain duh fall so hebby Buh Goat an him wife couldnt mek out wuh him duh sing.[75](75/ "tree and pragmatics") Wile dis bin er gwine on, Buh Goat an eh wife busy duh grabble, grabble, grabble onder de sill er de shedroom tel dem mek hole big nough fuh dem fuh crawl out, an den dem slip out an gone.[76](76/ "tree and pragmatics") **1** [2](https://md.mova.elamur.ai/free/en/corpora/tales/pg76586/12/page/2/) - ← previous: [Opening, part 11](https://md.mova.elamur.ai/free/en/corpora/tales/pg76586/11/) - next →: [page 2](https://md.mova.elamur.ai/free/en/corpora/tales/pg76586/12/page/2/) - ↑ back to [Negro myths from the Georgia coast, told in the vernacular](https://md.mova.elamur.ai/free/en/corpora/tales/pg76586/)