--- title: Opening, part 3 — Negro myths from the Georgia coast, told in the… · full text with trees description: Opening, part 3, «Negro myths from the Georgia coast, told in the vernacular» by Charles C., Jr. Jones: the whole chapter, every sentence with its dependency tree and pragmatics. It begins: One time Buh Alligatur, him been er eat crab. --- [Mova](https://md.mova.elamur.ai/free/en/) · [this page in HTML](https://mova.elamur.ai/free/en/corpora/tales/pg76586/3/) [home](https://md.mova.elamur.ai/free/en/) / [corpora](https://md.mova.elamur.ai/free/en/corpora/) / [tales](https://md.mova.elamur.ai/free/en/corpora/tales/) / [Negro myths from the Georgia coast, to…](https://md.mova.elamur.ai/free/en/corpora/tales/pg76586/) / Opening, part 3 # Opening, part 3 Opening, part 3 of «Negro myths from the Georgia coast, told in the vernacular» by Charles C., Jr. Jones: the whole text, 162 sentences and 2549 words. The small number after every sentence leads to its own page with its syntax tree and pragmatics, parsed by Mova itself. **1** [2](https://md.mova.elamur.ai/free/en/corpora/tales/pg76586/3/page/2/) One time Buh Alligatur, him been er eat crab.[1](1/ "tree and pragmatics") Him bin hab one teet wuh hab hole in um.[2](2/ "tree and pragmatics") Dat teet duh hot um berry bad.[3](3/ "tree and pragmatics") Buh Alligatur blan chaw up crab, shell an all.[4](4/ "tree and pragmatics") Wen eh der eat dem crab, one er de claw fastne in him rotten teet, and hot um so bad eh mek um holler.[5](5/ "tree and pragmatics") Eh cant do nuttne cept open eh jaw an moan.[6](6/ "tree and pragmatics") Eh foot yent long nough fuh pick de claw out.[7](7/ "tree and pragmatics") Wile eh bin a moan an suffer, Buh Mash-hen pass by.[8](8/ "tree and pragmatics") Buh Alligatur hail um an tell um wuh happne, and mek um sensible how bad de claw duh hot um, an how eh yent hab de power fuh git um out, an eh bague um fuh pull de ting out wid eh bill.[9](9/ "tree and pragmatics") Buh Mash-hen yeddy um, but eh fade fur trus eh head between Buh Alligatur jaw.[10](10/ "tree and pragmatics") Eh spicion say Buh Alligatur guine trick um, an kill um, an eat um, an eh tell Buh Alligatur him too scheemy.[11](11/ "tree and pragmatics") But Buh Alligatur, him schway to Buh Mash-hen dat eh yent guine trubble um, an dat ef eh would bleege um an pick de ting out, eh would be fren ter um an eh fambly all dem life, an mek all dem tarruh Alligatur fren too.[12](12/ "tree and pragmatics") Wen Buh Mash-hen see Buh Alligatur duh bague so harde, an wen eh fine out eh bin der tell de trute, eh tek pity on um, an eh pit eh head in eh mouf an eh pull out de crab-claw, wuh fastne in eh teet, wid eh bill.[13](13/ "tree and pragmatics") Dat ease Buh Alligatur, an eh tell Buh Mash-hen heap er tenky.[14](14/ "tree and pragmatics") An eh mek all eh quaintunce sensible er de big faber wuh Buh Mash-hen bin done ter um.[15](15/ "tree and pragmatics") Buh Alligatur, him keep eh wud.[16](16/ "tree and pragmatics") Ebber sence, Buh Mash-hen kin walk bout de mash an de ribber, an buil nes, an ketch fiddler an shrimp all round Buh Alligatur, an eh yent try fuh bodder um.[17](17/ "tree and pragmatics") Dat de way Buh Alligatur an Buh Mash-hen come fur lib togerruh luk same fambly.[18](18/ "tree and pragmatics") XII.[19](19/ "tree and pragmatics") BUH FOWL-HAWK AN BUH TUKREY BUZZUD.[20](20/ "tree and pragmatics") Time bin berry harde.[21](21/ "tree and pragmatics") Bittle oncommon scace.[22](22/ "tree and pragmatics") Buh Fowl-hawk an Buh Tukrey Buzzud, dem bin a sail backwud and forrud in de element, duh look fuh see wuh dem kin pick up fur eat.[23](23/ "tree and pragmatics") Es dem pass one a nurruh, Buh Fowl-hawk, him ax Buh Tukrey Buzzud how him mek out.[24](24/ "tree and pragmatics") Buh Tukrey Buzzud mek answer dat eh yent mek out wut; dat half de time eh cant fine nuttne fuh eat; dat eh so hongry eh mos ready fuh perish; but dat eh mek up eh mine ter keep on guine, an ter wait on de Lord.[25](25/ "tree and pragmatics") Den eh quire ob Buh Fowl-hawk how him duh git long dis yer tight time.[26](26/ "tree and pragmatics") Buh Fowl-hawk, him switch eh tail, an eh say him smarte nough fuh git him libbin; dat him dont lack fuh bittle; dat Lord er no Lord, him manage fuh fine all him want fuh eat.[27](27/ "tree and pragmatics") Wid dat dem part compny, an gone dem own couse.[28](28/ "tree and pragmatics") Bimeby dem sail pass one anurrer gen, an Buh Fowl-hawk, him call to Buh Tukrey Buzzud, an him say: “Enty me bin tell you me hab no trouble fuh fine bittle wenebber me want um?[29](29/ "tree and pragmatics") You see dat black chicken down yander?[30](30/ "tree and pragmatics") Me guine ketch um now fuh me dinner.”[31](31/ "tree and pragmatics") Wid dat, eh leff Buh Tukrey Buzzud, an eh mek eh lunge fuh kibber de chicken.[32](32/ "tree and pragmatics") Stidder eh bin one chicken, eh tun out fuh bin er sharp-pinted stump; an befo Buh Fowl-hawk fine out de diffunce, an kin check eh speed, eh hit eh bres gin de stump an kill ehself.[33](33/ "tree and pragmatics") Two, tree day arter dat, Buh Tukrey Buzzud bin a sail ober de same groun, an eh cotch de scent er someting dead.[34](34/ "tree and pragmatics") Eh fole eh wing an eh come down.[35](35/ "tree and pragmatics") Wen eh come fuh fine out, eh see Buh Fowl-hawk duh led down dead.[36](36/ "tree and pragmatics") Den eh say: “Enty me bin tell you eh heap better ter wait on de Lord stidder trus ter you own luck?[37](37/ "tree and pragmatics") You wouldnt yeddy me, an you see wuh happne.[38](38/ "tree and pragmatics") Now me tun come, an you flesh guine ile me bade.”[39](39/ "tree and pragmatics") Wid dat, eh eat up Buh Fowl-hawk.[40](40/ "tree and pragmatics") “De man wuh trus in ehself,” moralized Daddy Sandy, “guine fail; wile dem dat wait topper de Lord will hab perwision mek fur um.”[41](41/ "tree and pragmatics") XIII.[42](42/ "tree and pragmatics") BUH WOLF AN BUH RABBIT.[43](43/ "tree and pragmatics") Buh Wolf and Buh Rabbit bin a cote de same Gal.[44](44/ "tree and pragmatics") De Gal bin rich an berry pooty.[45](45/ "tree and pragmatics") Dem tuk tun fuh wisit um.[46](46/ "tree and pragmatics") Buh Rabbit, him gone der mornin, and Buh Wolf, him gone der ebenin.[47](47/ "tree and pragmatics") De Gal harde fuh mek up eh mine.[48](48/ "tree and pragmatics") Eh sorter courage bofe er um.[49](49/ "tree and pragmatics") One mornin Buh Rabbit bin a mek fun er Buh Wolf ter de Gal, an eh tell um say Buh Wolf yent duh nuttne mo den eh farruh ridin horse.[50](50/ "tree and pragmatics") Wen Buh Wolf pay him wisit de same ebenin, de Gal tell um wuh Buh Rabbit bin say bout um.[51](51/ "tree and pragmatics") De ting mek Buh Wolf bex, an eh say Buh Rabbit lie, an eh guine fetch Buh Rabbit ter de Gal an mek um tek back dat big wud befo eh face.[52](52/ "tree and pragmatics") Buh Wolf leff de Gal an gone straight ter Buh Rabbit house.[53](53/ "tree and pragmatics") Buh Rabbit bin spicion say de Gal guine tell Buh Wolf wuh him bin say bout um; an eh know, wen Buh Wolf yeddy, dat eh boun fur tackle um bout um.[54](54/ "tree and pragmatics") So Buh Rabbit, him fix eh plan.[55](55/ "tree and pragmatics") Wen Buh Wolf git ter Buh Rabbit house, eh fine um all shet up.[56](56/ "tree and pragmatics") Eh look same luk nobody bin day.[57](57/ "tree and pragmatics") Eh knock ter de do.[58](58/ "tree and pragmatics") Eh knock.[59](59/ "tree and pragmatics") Eh knock.[60](60/ "tree and pragmatics") No ansur.[61](61/ "tree and pragmatics") Eh gone ter de winder.[62](62/ "tree and pragmatics") Eh shake um.[63](63/ "tree and pragmatics") Nobody mek ansur.[64](64/ "tree and pragmatics") Den eh holler: “Buh Rabbit, Buh Rabbit!”[65](65/ "tree and pragmatics") Arter a while eh yeddy er leely woice eenside say: “Who dat?”[66](66/ "tree and pragmatics") Buh Wolf ansur: “Duh me, Buh Wolf.”[67](67/ "tree and pragmatics") Buh Rabbit say: “Wuh you want, Buh Wolf?”[68](68/ "tree and pragmatics") Buh Wolf, him say: “Lemme come in, Buh Rabbit; me bleege fuh see you on tickler bidness.”[69](69/ "tree and pragmatics") Buh Rabbit, him mek ansur: “Buh Wolf, me cant see you now; me berry sick; me day in me bed; me too weak fuh open de do.”[70](70/ "tree and pragmatics") Buh Wolf say: “Buh Rabbit, you mus lemme in: you de only man wuh kin ten ter de bidness wuh bring me yuh.”[71](71/ "tree and pragmatics") Buh Rabbit try fuh pit um off.[72](72/ "tree and pragmatics") Eh tell um eh hab high feber, an eh cant rise; dat eh back bin er hot um so bad eh cant tun in eh bed.[73](73/ "tree and pragmatics") But Buh Wolf cist so strong, Buh Rabbit slip to de do, an eh draw de bolt, an eh tiptoe back ter eh bed, an den eh say: “Well Budder, ef you mus see me, bad off es me yiz, come in.”[74](74/ "tree and pragmatics") Wen Buh Wolf come in, eh fine Buh Rabbit kibber up in eh bed, duh pant an duh moan berry pittiful.[75](75/ "tree and pragmatics") Buh Wolf tan by de bed, an eh ax Buh Rabbit: “Enty you tell de Gal, wuh we bin a cote, say me bin nuttne but you farruh ridin horse?”[76](76/ "tree and pragmatics") Buh Rabbit say: “Me nebber did.”[77](77/ "tree and pragmatics") Buh Wolf say: “You yiz bin tell um so.”[78](78/ "tree and pragmatics") Buh Rabbit say: “Me yent.”[79](79/ "tree and pragmatics") Den Buh Wolf schway: “De Gal done tell um say Buh Rabbit sisso, an eh bleebe de Gal.”[80](80/ "tree and pragmatics") Buh Rabbit run Buh Wolf down dat eh nebber bin nuse no sich wud.[81](81/ "tree and pragmatics") Den Buh Wolf say: “Ef you nebber bin say no sich wud, you mus git up an go long me, an knowledge befo de Gal dat you nebber bin sisso.”[82](82/ "tree and pragmatics") Buh Rabbit hole back.[83](83/ "tree and pragmatics") Eh say eh too weak fuh git outer de bed, and dat ef eh did get up eh too weak fuh walk ter de Gal house.[84](84/ "tree and pragmatics") But Buh Wolf foce um.[85](85/ "tree and pragmatics") Eh say: “You got ter go.[86](86/ "tree and pragmatics") Me guine help you outer de bed, an ef you cant tek you foot, me guine tote you.”[87](87/ "tree and pragmatics") Wen Buh Rabbit fine no chance fur um fuh dodge no mo, an dat Buh Wolf boun fuh mek um go, eh git Buh Wolf fuh help um outer de bed.[88](88/ "tree and pragmatics") Arter eh git on de flo, Buh Rabbit sorter faint way.[89](89/ "tree and pragmatics") Buh Wolf tek um up an cahr um ter de do, an fan um.[90](90/ "tree and pragmatics") Buh Rabbit bin a play possum all de time.[91](91/ "tree and pragmatics") Wen eh come too, Buh Wolf liff um up an pit um on eh back.[92](92/ "tree and pragmatics") Buh Rabbit say: “Hole on, Buh Wolf, me cant set on you back dout fall off: me mus hab someting fuh steady me; you mus gimme someting fuh me fuh hole on ter.[93](93/ "tree and pragmatics") Yuh me farruh ole saddle an bridle.[94](94/ "tree and pragmatics") Lemme pit dem on you, an den me tink me kin manage fuh go long wid you.”[95](95/ "tree and pragmatics") Buh Wolf, him yent spicion nuttne, an eh tan still an leh Buh Rabbit pit de saddle an bridle on um.[96](96/ "tree and pragmatics") Onbeknowinst ter Buh Wolf, Buh Rabbit slip behind de do an pit on er pair er keen spur.[97](97/ "tree and pragmatics") Den Buh Wolf help um on eh back, an state fuh trot fuh de Gal house.[98](98/ "tree and pragmatics") Buh Rabbit say: “Buh Wolf, dont go so fas: me so weak me cant hole on; you mus walk.”[99](99/ "tree and pragmatics") Buh Wolf, him haky ter um, an eh come down ter a walk.[100](100/ "tree and pragmatics") Wen dem retch de abnue wuh lead from de big road ter de house way de Gal lib, dem shum all dress een white duh settin in de piazza.[101](101/ "tree and pragmatics") Soon es dem pass tru de big gate, Buh Rabbit, him gedder de range in eh han, an eh slap spur to Buh Wolf.[102](102/ "tree and pragmatics") Buh Wolf say: “You fool, wuh you duh do?” an eh rare an pitch an try fuh trow Buh Rabbit off.[103](103/ "tree and pragmatics") Buh Rabbit stick on, an eh clap de spur wus an wus ter Buh Wolf.[104](104/ "tree and pragmatics") Wen Buh Wolf fine out eh cant do nuttne, eh keep de abnue straight fur de house.[105](105/ "tree and pragmatics") Wen dem duh nigh de house Buh Rabbit holler ter de Gal: “Wuh me bin tell you?[106](106/ "tree and pragmatics") Yuh me come pon me farruh ridin horse,” an eh rip spur een Buh Wolf an eh hole um tight.[107](107/ "tree and pragmatics") De spur hot Buh Wolf so bad eh couldnt do nuttne but run.[108](108/ "tree and pragmatics") Buh Rabbit tun um dest by de piazza, an eh light off eh back, an eh run up ter de Gal, an eh say: “Wuh you tink er me farruh ridin horse?”[109](109/ "tree and pragmatics") Buh Wolf so painful, so bex, an so shame, eh keep on run, an eh nebber come back fur see de Gal no mo.[110](110/ "tree and pragmatics") **1** [2](https://md.mova.elamur.ai/free/en/corpora/tales/pg76586/3/page/2/) - ← previous: [Opening, part 2](https://md.mova.elamur.ai/free/en/corpora/tales/pg76586/2/) - next →: [page 2](https://md.mova.elamur.ai/free/en/corpora/tales/pg76586/3/page/2/) - ↑ back to [Negro myths from the Georgia coast, told in the vernacular](https://md.mova.elamur.ai/free/en/corpora/tales/pg76586/)