--- title: Opening, part 3 — Negro myths from the Georgia coast, told in the… · full text with trees · page 2 description: Opening, part 3, «Negro myths from the Georgia coast, told in the vernacular» by Charles C., Jr. Jones: the whole chapter, every sentence with its dependency tree and pragmatics. It begins: One time Buh Alligatur, him been er eat crab. --- [Mova](https://md.mova.elamur.ai/free/en/) · [this page in HTML](https://mova.elamur.ai/free/en/corpora/tales/pg76586/3/page/2/) [home](https://md.mova.elamur.ai/free/en/) / [corpora](https://md.mova.elamur.ai/free/en/corpora/) / [tales](https://md.mova.elamur.ai/free/en/corpora/tales/) / [Negro myths from the Georgia coast, to…](https://md.mova.elamur.ai/free/en/corpora/tales/pg76586/) / Opening, part 3 # Opening, part 3 · page 2 [1](https://md.mova.elamur.ai/free/en/corpora/tales/pg76586/3/) **2** Buh Rabbit, him too scheemy fuh Buh Wolf.[111](../../111/ "tree and pragmatics") Wen de Gal notus how smate Buh Rabbit bin, an how eh mek good eh big wud, eh gen um eh han, an, leetle while arter, dem bin git marry.[112](../../112/ "tree and pragmatics") XIV.[113](../../113/ "tree and pragmatics") BUH WOLF AN DE TWO DINNER.[114](../../114/ "tree and pragmatics") Buh Wolf, him binner inwite ter two dinner de same day an de same time: one gen by Cooter Bay, an de tarruh by John Bay.[115](../../115/ "tree and pragmatics") Dem bin bredder, an dem lib on two seprite road wuh jine at de fork.[116](../../116/ "tree and pragmatics") Buh Wolf, him so greedy him cept bofe inbitation.[117](../../117/ "tree and pragmatics") Wen de time come fuh go, eh dress ehself up an eh light out.[118](../../118/ "tree and pragmatics") Wen eh git ter de place way de road fork, eh stop an eh consider.[119](../../119/ "tree and pragmatics") Eh want fuh tek bofe road an go ter de two dinner.[120](../../120/ "tree and pragmatics") Eh cant tek one an leff tarruh.[121](../../121/ "tree and pragmatics") Eh gone down one road; eh tun back; eh tan ter de fork.[122](../../122/ "tree and pragmatics") Eh tek tarruh road; eh come back ter de fork; eh tan day gen. Eh state off; eh tun back.[123](../../123/ "tree and pragmatics") Eh state off gen; eh tun back gen. Eh cant mek up eh mine which dinner fuh tek an which dinner fuh leff.[124](../../124/ "tree and pragmatics") Eh hanker arter bofe.[125](../../125/ "tree and pragmatics") Eh wase eh time.[126](../../126/ "tree and pragmatics") Wile dis bin a guine on, de people bin a eat at bofe de dinner.[127](../../127/ "tree and pragmatics") Bimeby yuh come some er dem, wuh bin eat dinner wid Cooter Bay, duh mek dem way home.[128](../../128/ "tree and pragmatics") Dem see Buh Wolf duh tan in de fork er de road, an dem hail um, an dem say: “Hi\![129](../../129/ "tree and pragmatics") Buh Wolf, wuh you duh do yuh?”[130](../../130/ "tree and pragmatics") Buh Wolf, him mek answer: “Me guine ter Cooter Bay fuh dine long um.”[131](../../131/ "tree and pragmatics") Den dem tell um say de dinner done ober; dat dem jist come from day, an dat dem bin hab plenty er good bittle fuh eat.[132](../../132/ "tree and pragmatics") Buh Wolf rale cut down case eh loss one dinner.[133](../../133/ "tree and pragmatics") Eh hop off an mek fuh John Bay house fuh git de tarruh dinner.[134](../../134/ "tree and pragmatics") Eh yent bin gone no destant befo eh meet dem people duh comin back wuh bin gone fuh eat dinner long John Bay.[135](../../135/ "tree and pragmatics") Dem tell um de dinner done ober, an eh mights well tun back.[136](../../136/ "tree and pragmatics") Buh Wolf outdone.[137](../../137/ "tree and pragmatics") Eh so greedy eh couldnt mek up eh mine which dinner fuh tek.[138](../../138/ "tree and pragmatics") Eh tink eh guine git all two, an eh yent git none.[139](../../139/ "tree and pragmatics") Eh gone home dat bex an hongry eh ready fuh kill ehself.[140](../../140/ "tree and pragmatics") People wuh wunt mek up dem mine in time wuh dem mean fuh do guine git leff.[141](../../141/ "tree and pragmatics") XV.[142](../../142/ "tree and pragmatics") BUH OWL AN BUH ROOSTER.[143](../../143/ "tree and pragmatics") Buh Owl, him bin a great music-meker.[144](../../144/ "tree and pragmatics") Him an Buh Rooster bin good fren.[145](../../145/ "tree and pragmatics") Heap er bud blan wisit Buh Rooster house fuh yeddy music an fuh dance.[146](../../146/ "tree and pragmatics") Buh Owl, him sing so well an eh pick de banjo so clear, nobody kin listen ter um an keep eh foot still; but eh no wan leh nobody shum wen eh duh sing an play.[147](../../147/ "tree and pragmatics") Buh Rooster, him always blan hab a dark room fuh Buh Owl fuh set in wen eh duh play fuh de bud.[148](../../148/ "tree and pragmatics") Lamp day in day, but eh hab shade on um.[149](../../149/ "tree and pragmatics") Buh Owl kin see de bud wuh duh dance, but de bud, dem cant see Buh Owl.[150](../../150/ "tree and pragmatics") Buh Owl, him faid light, an eh yent der bole bud no how.[151](../../151/ "tree and pragmatics") One ebenin Buh Owl bin a sing an play oncommon well fuh de bud at Buh Rooster house fuh dance.[152](../../152/ "tree and pragmatics") De pahler bin full, but dem yent bin know who dat bin a mek de music.[153](../../153/ "tree and pragmatics") Buh Rooster, him bin prommus Buh Owl dat eh yent guine tell who duh sing an play.[154](../../154/ "tree and pragmatics") Wen dem all bin dance tel dem tired, dem all bague Buh Rooster fuh show dem de man wuh bin mek sich pooty music fuh dem fuh dance long.[155](../../155/ "tree and pragmatics") Buh Rooster say him cant.[156](../../156/ "tree and pragmatics") Dem keep on bague, tel, at lenk, Buh Rooster gone in tarruh room, an eh tek de shade offer de lamp.[157](../../157/ "tree and pragmatics") Wen dem look pon topper Buh Owl, eh yeye so big, an eh yez cock up so high, eh skade de people, an dem all holler an run.[158](../../158/ "tree and pragmatics") Buh Owl, him berry bex case Buh Rooster broke eh wud, an he fall out wid Buh Rooster.[159](../../159/ "tree and pragmatics") From dat day Buh Owl hate Buh Rooster, eh wife, an eh chillun.[160](../../160/ "tree and pragmatics") Wenebber, duh night, eh yeddy any er um duh crow er der fix ehself topper eh roose, eh mek fuh de place an eat um up.[161](../../161/ "tree and pragmatics") Eh yent do, in dis wul, fuh man fuh ceive eh fren.[162](../../162/ "tree and pragmatics") [1](https://md.mova.elamur.ai/free/en/corpora/tales/pg76586/3/) **2** - ← previous: [page 1](https://md.mova.elamur.ai/free/en/corpora/tales/pg76586/3/) - next →: [Opening, part 4](https://md.mova.elamur.ai/free/en/corpora/tales/pg76586/4/) - ↑ back to [Negro myths from the Georgia coast, told in the vernacular](https://md.mova.elamur.ai/free/en/corpora/tales/pg76586/)