--- title: Opening, part 5 — Negro myths from the Georgia coast, told in the… · full text with trees · page 2 description: Opening, part 5, «Negro myths from the Georgia coast, told in the vernacular» by Charles C., Jr. Jones: the whole chapter, every sentence with its dependency tree and pragmatics. It begins: Eh happne dis is de snake say. --- [Mova](https://md.mova.elamur.ai/free/en/) · [this page in HTML](https://mova.elamur.ai/free/en/corpora/tales/pg76586/5/page/2/) [home](https://md.mova.elamur.ai/free/en/) / [corpora](https://md.mova.elamur.ai/free/en/corpora/) / [tales](https://md.mova.elamur.ai/free/en/corpora/tales/) / [Negro myths from the Georgia coast, to…](https://md.mova.elamur.ai/free/en/corpora/tales/pg76586/) / Opening, part 5 # Opening, part 5 · page 2 [1](https://md.mova.elamur.ai/free/en/corpora/tales/pg76586/5/) **2** XXIV.[102](../../102/ "tree and pragmatics") BUH WOLF, BUH RABBIT, AN DE BUTTER.[103](../../103/ "tree and pragmatics") Buh Wolf, him hire Buh Rabbit fuh help um wuk eh crap.[104](../../104/ "tree and pragmatics") Eh crap, eh day een de grass, an Buh Wolf faid eh gwine loss um.[105](../../105/ "tree and pragmatics") Befo dem state der fiel, Buh Rabbit notus say Buh Wolf hab een him house er nice pan er fresh butter.[106](../../106/ "tree and pragmatics") Eh mout water fuh git some, but eh shame fuh bague Buh Wolf.[107](../../107/ "tree and pragmatics") Buh Rabbit, him berry lub fuh tief, an eh mek eh plan fuh git some er dat butter.[108](../../108/ "tree and pragmatics") Buh Wolf an Buh Rabbit done gone der fiel an tun een fuh wuk.[109](../../109/ "tree and pragmatics") De sun hot, an befo long Buh Rabbit biggin fuh drap behine.[110](../../110/ "tree and pragmatics") Den all ob er sutten eh trow down eh hoe, an eh look way off, an eh cock up eh yez, an eh holler out: “Me yeddy you.[111](../../111/ "tree and pragmatics") Me duh comin.”[112](../../112/ "tree and pragmatics") Buh Wolf, him tun roun, an eh say: “Buh Rabbit, wuh you duh do?[113](../../113/ "tree and pragmatics") You mus be der tun fool.[114](../../114/ "tree and pragmatics") Nobody duh call you.”[115](../../115/ "tree and pragmatics") Buh Rabbit, him mek answer: “Somebody yiz bin er call me, an me know who dem yiz, an wuffer dem duh call me.[116](../../116/ "tree and pragmatics") Enty you sabe me duh preacher?[117](../../117/ "tree and pragmatics") Well, me prommus fuh bactize er chile dis berry hour, an me mus go fuh keep me pintment.”[118](../../118/ "tree and pragmatics") “Berry well,” answer Buh Wolf, “dont you loss no time, fuh dis crap want wuk berry bad.”[119](../../119/ "tree and pragmatics") Buh Rabbit hop off luk eh bin gwine in anarruh direction from dat wuh lead to Buh Wolf house.[120](../../120/ "tree and pragmatics") Wen eh git een de wood, eh slip roun onbeknowinst ter Buh Wolf, an gone een him house an eat hebby outer de pan er butter.[121](../../121/ "tree and pragmatics") Eh wipe eh mouf, an eh sukkle back tell eh git ter de place een de fiel way eh bin leff eh hoe.[122](../../122/ "tree and pragmatics") Eh seem berry merry, an wen Buh Wolf ax um ef he done bactize de chile, eh say yes.[123](../../123/ "tree and pragmatics") Den Buh Wolf ax um wuh dem bin name de chile, an Buh Rabbit tell um say dem bin call um \_Fus Biginnin\_.[124](../../124/ "tree and pragmatics") Buh Wolf an Buh Rabbit wuk on.[125](../../125/ "tree and pragmatics") Dem binner hoe tetter.[126](../../126/ "tree and pragmatics") De butter sweeten Buh Rabbit.[127](../../127/ "tree and pragmatics") Him couldnt stop from tink topper um.[128](../../128/ "tree and pragmatics") Eh biggin fuh want mo.[129](../../129/ "tree and pragmatics") De mo eh study bout um de slower eh wuk.[130](../../130/ "tree and pragmatics") Buh Wolf call ter um an tell um fuh hurry.[131](../../131/ "tree and pragmatics") Buh Rabbit mek answer an say eh yiz duh hurry.[132](../../132/ "tree and pragmatics") Bless you soul! een a little while Buh Rabbit, him drap eh hoe an eh holler out: “You right; me bin mose furgit; me comin right off.”[133](../../133/ "tree and pragmatics") Buh Wolf, him stonish, an eh say: “Buh Rabbit, you must be loss you sense; who you duh holler teh?[134](../../134/ "tree and pragmatics") Nobody duh call you.”[135](../../135/ "tree and pragmatics") Buh Rabbit mek answer: “Somebody yiz bin a call me.[136](../../136/ "tree and pragmatics") Enty you yeddy um?”[137](../../137/ "tree and pragmatics") Buh Wolf say: “No, me no yeddy.”[138](../../138/ "tree and pragmatics") Den Buh Rabbit up an tell um say eh hab gagement fur bactize nurrur chile at dis berry hour, an eh mose bin furgit bout um tell eh murrer an eh farruh holler ter um outer de wood an member um.[139](../../139/ "tree and pragmatics") Buh Wolf mek jection gainst Buh Rabbit gwine, but wen Buh Rabbit tell um de chile gwine loss ef eh no git bactize, Buh Wolf lem go.[140](../../140/ "tree and pragmatics") Buh Rabbit do dist iz eh bin done befo.[141](../../141/ "tree and pragmatics") Eh gone een Buh Wolf house, eh tek down de pan gen, an eh eat mona half de butter.[142](../../142/ "tree and pragmatics") Wen eh ketch de fiel, Buh Wolf ax um ef eh done bactize tarruh chile, an eh answer eh yiz.[143](../../143/ "tree and pragmatics") Buh Wolf say: “Duh him duh gal er boy?”[144](../../144/ "tree and pragmatics") Buh Rabbit mek answer say: “Him duh gal.”[145](../../145/ "tree and pragmatics") “Wuh eh name?” questun Buh Wolf.[146](../../146/ "tree and pragmatics") “\_Half-way\_,” answer Buh Rabbit.[147](../../147/ "tree and pragmatics") Dem wuk on tel de sun biggin fuh lean een de wes.[148](../../148/ "tree and pragmatics") Buh Rabbit still duh study bout dat butter.[149](../../149/ "tree and pragmatics") Eh yent willin fuh go ter eh home an leff any behine.[150](../../150/ "tree and pragmatics") So een de tree hour eh pit eh han up ter eh yez an eh listne.[151](../../151/ "tree and pragmatics") Den eh holler out de turd time, an eh say: “Go on, me duh comin.”[152](../../152/ "tree and pragmatics") Buh Wolf ax um.[153](../../153/ "tree and pragmatics") “Way you duh gwine now?[154](../../154/ "tree and pragmatics") Enty you done bactize chillun?”[155](../../155/ "tree and pragmatics") Buh Rabbit tell um eh hab one mo fuh bactize befo sun down, but eh wunt tek um long becase eh lib close by.[156](../../156/ "tree and pragmatics") Den Buh Rabbit slip roun ter Buh Wolf house an clean up de las er de butter.[157](../../157/ "tree and pragmatics") Eh yent leff one grain een de pan.[158](../../158/ "tree and pragmatics") Wen eh git back Buh Wolf say: “You bactize dat chillun een er hurry; wuh eh name?”[159](../../159/ "tree and pragmatics") Buh Rabbit up an tell um say eh name \_Scrapin er de bottom\_.[160](../../160/ "tree and pragmatics") Buh Wolf, him nebber bin spicion wuh Buh Rabbit bin up teh.[161](../../161/ "tree and pragmatics") De time come fuh knock off wuk, an wen Buh Wolf want fuh dock Buh Rabbit fuh de time eh loss wen eh bin gone fuh bactize dem tree chillun, Buh Rabbit plead so harde case him bin preacher, dat Buh Wolf, him furgib um an pay um eh full wager.[162](../../162/ "tree and pragmatics") Den eh inwite Buh Rabbit fuh come long um an tek supper wid um.[163](../../163/ "tree and pragmatics") But Buh Rabbit scuse ehself, an light out fer him house, an leff Buh Wolf een de fiel.[164](../../164/ "tree and pragmatics") Buh Rabbit berry scheemy.[165](../../165/ "tree and pragmatics") Eh know say ef eh did bin gone home wid Buh Wolf eh would er see eh track, an fine out who eat eh butter, an dat eh would er lick um.[166](../../166/ "tree and pragmatics") XXV.[167](../../167/ "tree and pragmatics") DE EAGLE AN EH CHILLUN.[168](../../168/ "tree and pragmatics") De Eagle, him duh er wise bud.[169](../../169/ "tree and pragmatics") Eh mek eh nes on one tall pine tree close de ribber, er de sea, way nuttne kin git at um.[170](../../170/ "tree and pragmatics") Eh saterfy wid two chillun.[171](../../171/ "tree and pragmatics") Eh tek good care er um.[172](../../172/ "tree and pragmatics") Ebry hour eh fetch um snake an fish, an eh garde um from win an rain an fowl-hawk, an mek um grow fas.[173](../../173/ "tree and pragmatics") Wen eh wing kibber wid fedder an eh strong nough fur fly, wuh Buh Eagle do?[174](../../174/ "tree and pragmatics") Eh wunt leff dem chillun een de nes fuh lazy an lib pon topper eh farruh an eh murrer, but eh tek um on eh wing, an eh sail ober de sea, an eh tell eh chillun: “De time come fuh you fuh mek you own libbin.[175](../../175/ "tree and pragmatics") Me feed you long nough.[176](../../176/ "tree and pragmatics") Now you haffer look out fuh youself.”[177](../../177/ "tree and pragmatics") Wid dat, eh fly from onder dem, an de noung bud, wen eh fine out eh murrer yent gwine cahr um no furder, an dat dem haffer shif fuh demself, dem try eh wing an sail off een de element duh hunt bittle.[178](../../178/ "tree and pragmatics") [1](https://md.mova.elamur.ai/free/en/corpora/tales/pg76586/5/) **2** - ← previous: [page 1](https://md.mova.elamur.ai/free/en/corpora/tales/pg76586/5/) - next →: [Opening, part 6](https://md.mova.elamur.ai/free/en/corpora/tales/pg76586/6/) - ↑ back to [Negro myths from the Georgia coast, told in the vernacular](https://md.mova.elamur.ai/free/en/corpora/tales/pg76586/)