--- title: Opening, part 6 — Negro myths from the Georgia coast, told in the… · full text with trees description: Opening, part 6, «Negro myths from the Georgia coast, told in the vernacular» by Charles C., Jr. Jones: the whole chapter, every sentence with its dependency tree and pragmatics. It begins: People orter tek notus er Buh Eagle an do jes es him do. --- [Mova](https://md.mova.elamur.ai/free/en/) · [this page in HTML](https://mova.elamur.ai/free/en/corpora/tales/pg76586/6/) [home](https://md.mova.elamur.ai/free/en/) / [corpora](https://md.mova.elamur.ai/free/en/corpora/) / [tales](https://md.mova.elamur.ai/free/en/corpora/tales/) / [Negro myths from the Georgia coast, to…](https://md.mova.elamur.ai/free/en/corpora/tales/pg76586/) / Opening, part 6 # Opening, part 6 Opening, part 6 of «Negro myths from the Georgia coast, told in the vernacular» by Charles C., Jr. Jones: the whole text, 150 sentences and 2549 words. The small number after every sentence leads to its own page with its syntax tree and pragmatics, parsed by Mova itself. **1** [2](https://md.mova.elamur.ai/free/en/corpora/tales/pg76586/6/page/2/) People orter tek notus er Buh Eagle an do jes es him do.[1](1/ "tree and pragmatics") Wen you chillun git big nough fuh wuk, mek um wuk.[2](2/ "tree and pragmatics") Dont leh um set bout de house duh do nuttne, an duh spek eh farruh an eh murrer fuh fine bittle an cloze fuh um.[3](3/ "tree and pragmatics") Ef you does, you chillun gwine mek you shame, an eh will tun out berry triflin.[4](4/ "tree and pragmatics") Eh will keep you dead po, too.[5](5/ "tree and pragmatics") Do same luk Buh Eagle.[6](6/ "tree and pragmatics") Mine you chillun well wen dem leetle; an soon es dem big nough fuh wuk, mek um wuk.[7](7/ "tree and pragmatics") XXVI.[8](8/ "tree and pragmatics") CHANTICLEER AN DE BAN-YAD ROOSTER.[9](9/ "tree and pragmatics") You nebber bin see er finer bud den Buh Chanticleer.[10](10/ "tree and pragmatics") Eh fedder eh glisten same luk silber een de sun. Eh step so high, an eh yent faid nuttne.[11](11/ "tree and pragmatics") Wen eh crow you could yeddy um all tru de settlement.[12](12/ "tree and pragmatics") De hen all lub um, an run ter um wenebber him call.[13](13/ "tree and pragmatics") Eh can lick all dem tarruh rooster; an jist es soon es eh mek motion at dem, dem run.[14](14/ "tree and pragmatics") Befo eh bin fine um out fuh true, day bin er big yaller Rooster een de gang wuh try fuh spute Buh Chanticleer, an mek eh brag say eh kin lick um.[15](15/ "tree and pragmatics") Dem fight.[16](16/ "tree and pragmatics") De big yaller Rooster couldnt tan up befo Buh Chanticleer.[17](17/ "tree and pragmatics") Eh gaff um, eh pick um een eh back, eh knock um ober, an eh run um out de yad.[18](18/ "tree and pragmatics") Arter dat, de yaller Rooster faid fuh come nigh Buh Chanticleer.[19](19/ "tree and pragmatics") Eh run ebry time eh see Buh Chanticleer duh walk towuds um, but eh hab a way fuh debble Buh Chanticleer.[20](20/ "tree and pragmatics") Eh go way off, an ebry time eh yeddy Buh Chanticleer flap eh wing an crow, him do de same.[21](21/ "tree and pragmatics") Soon a mornin wen Buh Chanticleer crow fuh day, de big yaller Rooster, him crow too.[22](22/ "tree and pragmatics") De ting bodder Buh Chanticleer, an eh want fuh kill um.[23](23/ "tree and pragmatics") Eh try hard fuh fine out way eh roose.[24](24/ "tree and pragmatics") One day one er de hen wuh blanks ter Buh Chanticleer fambly mek um sensible jist way de yaller Rooster blan roose.[25](25/ "tree and pragmatics") Den Buh Chanticleer, him sen fuh Buh Fox.[26](26/ "tree and pragmatics") Eh come, an Buh Chanticleer ax um say: “You want one fat Rooster fuh eat?”[27](27/ "tree and pragmatics") Buh Fox, him answer: “Yes, me berry glad fuh git um, an heap er tenky ter you too.”[28](28/ "tree and pragmatics") Den Buh Chanticleer tell um fuh come de fus moon-shiny night, an him will show um way eh kin git a good supper.[29](29/ "tree and pragmatics") Buh Fox happy, an eh prommus fuh come.[30](30/ "tree and pragmatics") Eh did come de fus moon-shiny night, an Buh Chanticleer gone long um an pint out de big yaller Rooster duh sleep een one low cedar tree.[31](31/ "tree and pragmatics") Buh Fox creep up easy, an graff um an eat um.[32](32/ "tree and pragmatics") Wen eh done eat um, an eh duh lick eh mout, Buh Chanticleer ax um: “How you luk um?”[33](33/ "tree and pragmatics") Buh Fox mek answer: “Me luk um berry well.[34](34/ "tree and pragmatics") Eh bin fat.[35](35/ "tree and pragmatics") Eh meat sweet.[36](36/ "tree and pragmatics") Me luk um summuch me want mo.”[37](37/ "tree and pragmatics") Wid dat, an befo Buh Chanticleer kin mek out wuh eh tend fuh do, eh jump pon topper Buh Chanticleer, an mash um ter det, an eat um up.[38](38/ "tree and pragmatics") Wen you want somebody fuh do you sarbis, call pon you fren, but dont trus you eenemy fuh done um.[39](39/ "tree and pragmatics") XXVII.[40](40/ "tree and pragmatics") BUH RABBIT AN DE GROUN-MOLE.[41](41/ "tree and pragmatics") Day nebber bin a man wuh kin equel Buh Rabbit fuh mek plan fuh lib offer tarruh people bedout wuk isself.[42](42/ "tree and pragmatics") Groun-mole, bin berry tick.[43](43/ "tree and pragmatics") On ebry side dem bin er root up de tetter patch, and stroy pinder.[44](44/ "tree and pragmatics") Nobody know how fuh ketch um, case eh wuk onder de groun, an wen you go fuh fine um eh yent dedday.[45](45/ "tree and pragmatics") Buh Rabbit, him see eh chance, an eh tell ebry body him know how fuh stroy um.[46](46/ "tree and pragmatics") De ting come ter Buh Wolf yez, an eh sen fuh Buh Rabbit.[47](47/ "tree and pragmatics") Buh Rabbit gone ter Buh Wolf, an eh tell um yes, him hab plan fuh clear de fiel er Groun-mole, an dat him wunt charge Buh Wolf nuttne but him board an lodgment wile him duh ketch an kill de Groun-mole.[48](48/ "tree and pragmatics") Buh Wolf, him say Buh Rabbit berry kine, an eh gree fuh fine um.[49](49/ "tree and pragmatics") Den Buh Wolf hab one nice bed mek up fuh Buh Rabbit, an eh tell eh wife fuh feed um well.[50](50/ "tree and pragmatics") Buh Wolf hab some bidness wuh call um way from home, an eh spec fuh gone bout one week.[51](51/ "tree and pragmatics") Eh leff Buh Rabbit fuh clean de Groun-mole outer eh fiel, an den eh gone.[52](52/ "tree and pragmatics") Buh Rabbit, him well saterfy.[53](53/ "tree and pragmatics") Ebry mornin, arter brukwus, eh mobe off luk eh bin gwine ter Buh Wolf fiel, an nobody shum tel dinner time.[54](54/ "tree and pragmatics") Arter eh done eat er hebby dinner, eh gone gen tel supper time, wen eh come back an eat er hebby supper, an den eh leddown der bed.[55](55/ "tree and pragmatics") Nobody kin see any Groun-mole wuh Buh Rabbit der ketch, but eh tell Buh Wolf wife dat eh bin er kill heap er dem ebry day, an dat eh gwine soon clear de fiel.[56](56/ "tree and pragmatics") De ting gone on dis way tel Buh Wolf tun home.[57](57/ "tree and pragmatics") Wen eh retch eh house eh quire bout Buh Rabbit, an eh wife tell um wuh Buh Rabbit bin er say an er do, an dat Buh Rabbit gone der fiel dist arter brukwus.[58](58/ "tree and pragmatics") Buh Wolf say him gwine see fuh ehself wuh Buh Rabbit duh do, an wuh plan eh fix fuh ketch de Groun-mole.[59](59/ "tree and pragmatics") Wen eh git der fiel eh look up an down, an eh yent see no sign er Buh Rabbit.[60](60/ "tree and pragmatics") Eh notus eh crap, an de Groun-mole duh eat um wus den nebber.[61](61/ "tree and pragmatics") Eh sarche fuh Buh Rabbit track, an eh cant shum no way.[62](62/ "tree and pragmatics") Buh Wolf mek up eh mine dat Buh Rabbit yent do de fus ting een de fiel.[63](63/ "tree and pragmatics") De sun hot.[64](64/ "tree and pragmatics") Buh Wolf gone een de edge er de wood, an day eh come pon topper Buh Rabbit tretch out een er bed wuh eh bin mek outer pine straw onder one tree, fas tersleep.[65](65/ "tree and pragmatics") Eh yent bin study bout Buh Wolf, er de Groun-mole wuh bin er bodder de fiel.[66](66/ "tree and pragmatics") Buh Wolf slip up, an eh graff um tight.[67](67/ "tree and pragmatics") Buh Rabbit so skade eh furgit fuh lie, an Buh Wolf mek um confess eh yent know how fuh ketch Groun-mole, dat eh nebber did kill none, an dat eh bin lib offer Buh Wolf bittle ebber sence eh leff.[68](68/ "tree and pragmatics") Buh Wolf, him so bex eh git grape wine an eh tie Buh Rabbit han an foot, an eh lick um tel eh tired.[69](69/ "tree and pragmatics") All dis time Buh Rabbit bin eh holler an er bague.[70](70/ "tree and pragmatics") At lenk Buh Wolf loose um, an run um offer de place.[71](71/ "tree and pragmatics") Eh yent offen Buh Rabbit ketch at him trick, but eh meet eh match dis time.[72](72/ "tree and pragmatics") XXVIII.[73](73/ "tree and pragmatics") BUH RABBIT AN DE ROCK-SOUP.[74](74/ "tree and pragmatics") Anurrer way Buh Rabbit hab fuh mek eh libbin bedout wuk bin dis.[75](75/ "tree and pragmatics") Eh hab een eh pocket er pooty, smoode rock, bout de size ob er tukrey agg.[76](76/ "tree and pragmatics") Wid dem people wuh no quaintun wid um eh pass ehself off fuh er fus-class cook, an eh tell um say eh hab one rock wuh mek pruppus fuh gie soup de bes tase; an dat de soup wuh mek long dat rock sweeter den all edder soup.[77](77/ "tree and pragmatics") Eh gone ter Buh Bear house, an Buh Bear hearky ter um, an gage um fuh mek some soup long eh rock.[78](78/ "tree and pragmatics") Buh Rabbit pit on de pot, an eh bile water een um long de stone.[79](79/ "tree and pragmatics") Den eh call fuh meat, an wegetable, an all kind er seaznin, an eh stir um an eh cook um all togerrur, an eh did mek er nice soup.[80](80/ "tree and pragmatics") Eh fool Buh Bear, an eh mek um bliebe say eh bin de rock wuh gib sich er rich flaber ter de soup, wen de fac bin say de rock yent hab nuttne fuh do long um, but de tarruh ting wuh gone een de pot, dem duh de ting wuh mek de soup.[81](81/ "tree and pragmatics") Buh Rabbit git big dinner at Buh Bear house dat day.[82](82/ "tree and pragmatics") **1** [2](https://md.mova.elamur.ai/free/en/corpora/tales/pg76586/6/page/2/) - ← previous: [Opening, part 5](https://md.mova.elamur.ai/free/en/corpora/tales/pg76586/5/) - next →: [page 2](https://md.mova.elamur.ai/free/en/corpora/tales/pg76586/6/page/2/) - ↑ back to [Negro myths from the Georgia coast, told in the vernacular](https://md.mova.elamur.ai/free/en/corpora/tales/pg76586/)