--- title: Opening, part 6 — Negro myths from the Georgia coast, told in the… · full text with trees · page 2 description: Opening, part 6, «Negro myths from the Georgia coast, told in the vernacular» by Charles C., Jr. Jones: the whole chapter, every sentence with its dependency tree and pragmatics. It begins: People orter tek notus er Buh Eagle an do jes es him do. --- [Mova](https://md.mova.elamur.ai/free/en/) · [this page in HTML](https://mova.elamur.ai/free/en/corpora/tales/pg76586/6/page/2/) [home](https://md.mova.elamur.ai/free/en/) / [corpora](https://md.mova.elamur.ai/free/en/corpora/) / [tales](https://md.mova.elamur.ai/free/en/corpora/tales/) / [Negro myths from the Georgia coast, to…](https://md.mova.elamur.ai/free/en/corpora/tales/pg76586/) / Opening, part 6 # Opening, part 6 · page 2 [1](https://md.mova.elamur.ai/free/en/corpora/tales/pg76586/6/) **2** Anurrer time, wen eh bin berry hongry, eh gone ter Buh Cooter house, an eh fool um same fashion, an eh git er hebby dinner day too.[83](../../83/ "tree and pragmatics") Eh do dis way fuh some time, guine from house teh house.[84](../../84/ "tree and pragmatics") At lenk eh miss an gone ter Buh Fox house, an tell um bout eh rock-soup.[85](../../85/ "tree and pragmatics") Buh Fox, him no fool.[86](../../86/ "tree and pragmatics") Him duh er smate man, an eh see tru de ting right off.[87](../../87/ "tree and pragmatics") But eh yent leh Buh Rabbit see dat eh spicion anyting, an eh tell um fuh go head an mek eh soup.[88](../../88/ "tree and pragmatics") Eh han out wuhebber Buh Rabbit call fuh, an eh wait topper um tel de soup done.[89](../../89/ "tree and pragmatics") Den eh tase um, an wen eh fine eh tase same luk any edder soup mek long de ting wuh eh han Buh Rabbit fuh pit een de pot, eh tek Buh Rabbit rock, an eh trow um down de well, an eh cuss Buh Rabbit fur er swindler, an mek um shame befo all eh fambly, an mek um leff.[90](../../90/ "tree and pragmatics") Buh Rabbit an Buh Fox, bofe er dem berry cunnin, but dis time Buh Fox him cunnin moner Buh Rabbit.[91](../../91/ "tree and pragmatics") XXIX.[92](../../92/ "tree and pragmatics") DE TWO FREN AN DE BEAR.[93](../../93/ "tree and pragmatics") Two fren, dem bin a mek one journey togerruh.[94](../../94/ "tree and pragmatics") Dem haffer go tru one tick swamp wuh full er bear an edder warmint.[95](../../95/ "tree and pragmatics") Dem prommus fuh tan ter one anurrer, an help one anurrer out ef de warmint should tack dem.[96](../../96/ "tree and pragmatics") Dem yent bin git half way tru de swamp wen one big black Bear jump outer de bush an mek fur dem.[97](../../97/ "tree and pragmatics") Steader one er dem tan fur help fight um, eh leff eh fren an clime one tree.[98](../../98/ "tree and pragmatics") De tarruh fren bin yeddy say Bear no gwine eat dead people, so him leddown on de groun, an hole eh bref, an shet eh yeye, an mek out say him bin dead.[99](../../99/ "tree and pragmatics") De Bear come up ter um, an smell um, an tun um ober, an try fuh ketch eh bref.[100](../../100/ "tree and pragmatics") Wen eh fine eh cant ketch eh bref, eh gone off leely way an eh watch um.[101](../../101/ "tree and pragmatics") Den eh tun back an smell um gen, an notus um close.[102](../../102/ "tree and pragmatics") At lenk eh mek up eh mine say de man bin dead fuh true; an wid dat eh leff um fuh good an gone back der wood.[103](../../103/ "tree and pragmatics") All dis time de tarruh fren duh squinch ehself up een de tree duh watch wuh bin gwine on.[104](../../104/ "tree and pragmatics") Eh dat skade eh wunt do nuttne fuh help eh fren, er try fuh run de Bear off.[105](../../105/ "tree and pragmatics") Wen eh fine de Bear done gone fuh sho, eh holler ter him fren say: “Wuh de Bear bin tell you?[106](../../106/ "tree and pragmatics") Him an you seem luk you bin hab close combersation.”[107](../../107/ "tree and pragmatics") Den eh fren mek answer: “Eh bin tell me nebber fuh trus nobody wuh call ehself fren, an wuh gwine run luk er coward soon es trouble come.”[108](../../108/ "tree and pragmatics") XXX.[109](../../109/ "tree and pragmatics") DE OLE MAN AN DET.[110](../../110/ "tree and pragmatics") One Ole Man bin berry tired long wuk.[111](../../111/ "tree and pragmatics") Him want fuh stop an tek eh pledjur all day een him house.[112](../../112/ "tree and pragmatics") Eh bex long de Buckra wuh gie um task, an mek um ten ter um.[113](../../113/ "tree and pragmatics") Eh constant duh pray, so people kin yeddy um, dat Det would come an cahr way eh Mossa, an eh Mistis, an de Obersheer.[114](../../114/ "tree and pragmatics") De Obersheer him yeddy wuh de Ole Man bin a pray fuh, an eh tell de Mossa, an dem fix plan fuh hab fun long de Ole Man.[115](../../115/ "tree and pragmatics") Wen night come, an ebryting on de plantation done gone bed, de Mossa, him tek one long white gown wuh ketch down ter eh foot, an eh pit um on, an eh gone ter de Ole Man house.[116](../../116/ "tree and pragmatics") Eh push de do open, an day bin de Ole Man duh siddown on eh bench duh nod by de fire.[117](../../117/ "tree and pragmatics") De Ole Man yeddy say some body come ter him do, an wen eh tun roun fuh look, eh see one tall somebody all wrop up head an yez een white.[118](../../118/ "tree and pragmatics") Eh git skade, an tink duh Sperit.[119](../../119/ "tree and pragmatics") Eh quire: “Who duh dat?”[120](../../120/ "tree and pragmatics") De Sperit, wuh bin de Mossa dress up een de white gown wuh kibber um all ober, mek answer way down een him troat: “Duh me, Det, wuh you bin a pray fuh.”[121](../../121/ "tree and pragmatics") Den de Ole Man say: “You come fuh Mossa?”[122](../../122/ "tree and pragmatics") De Sperit shake eh head.[123](../../123/ "tree and pragmatics") Eh say gen: “You come fuh Mistis?”[124](../../124/ "tree and pragmatics") De Sperit shake eh head gen. De Ole Man quire gen: “Den you musser come fuh de Obersheer?”[125](../../125/ "tree and pragmatics") De Sperit shake eh head gen. De Ole Man rale skade now, an eh study fuh leely while, an den eh questun gen: “Ef you no come fuh Mossa, ner Mistis, ner de Obersheer, who de Debbie you come fuh?”[126](../../126/ "tree and pragmatics") Den de Sperit, eh bow eh head low an eh mek answer: “Me come fuh you.”[127](../../127/ "tree and pragmatics") De Ole Man hair rise.[128](../../128/ "tree and pragmatics") Eh git up.[129](../../129/ "tree and pragmatics") Eh bus tru de back do.[130](../../130/ "tree and pragmatics") Eh run tru de gaden, an eh mek fuh de wood.[131](../../131/ "tree and pragmatics") Nobody yent shum tel arter brukwus next mornin, an den eh tell ebry body say Det bin come fur um last night, but dat him bin dodge um.[132](../../132/ "tree and pragmatics") Arter dat nobody ebber yeddy um mek no mo prayer bout Det.[133](../../133/ "tree and pragmatics") XXXI.[134](../../134/ "tree and pragmatics") DE KING AN EH RING.[135](../../135/ "tree and pragmatics") One time dere was a King wuh bin done git marry, an eh bin hab one fine Ring wuh him bin call eh gagement Ring.[136](../../136/ "tree and pragmatics") Dat King, him bin hab tree serbant wuh wait bout him table, an clean him shoes, an do wuhebber him want um fuh do.[137](../../137/ "tree and pragmatics") Dem bin tek tun een clean de shoes.[138](../../138/ "tree and pragmatics") One clean um one mornin, anurrur one clean um nex mornin, an de edder one clean um de nex.[139](../../139/ "tree and pragmatics") One er dem serbant tief de King Ring.[140](../../140/ "tree and pragmatics") De King try fuh fine out which one er de tree bin tek um, an eh fail.[141](../../141/ "tree and pragmatics") Dem wunt tell topper one anurrur, an de ting bodder de King berry bad.[142](../../142/ "tree and pragmatics") Eh faid say ef eh cant git back eh gagement Ring all eh good luck gwine leff um.[143](../../143/ "tree and pragmatics") Eh call een eh fren an wise man fuh help um pint out de tief an fine dat Ring, an dem cant.[144](../../144/ "tree and pragmatics") One day de King notus er strange man duh walk bout him gaden, an eh sen an hab um brung ter um.[145](../../145/ "tree and pragmatics") Wen eh questun um, de man tell um say him bin a po man, an dat eh mek eh libbin by cunjur.[146](../../146/ "tree and pragmatics") De King tell um eh bin dis de man eh duh hunt fur, an eh want um fuh fine eh Ring.[147](../../147/ "tree and pragmatics") Eh mek um quaintun bout wen de Ring tuk, an who eh tink tief um; an eh say eh gwine gie um fibe day time fuh pint out de man wuh bin tek de Ring, an mek um tun um.[148](../../148/ "tree and pragmatics") Mo na dat, eh prommus um big money ef eh git back de Ring widin de fibe day; but eh treaten um fuh kill um ef eh fail fuh fine um eenside dat time.[149](../../149/ "tree and pragmatics") Eh charge eh serbant fuh tek good care er de conjur man, an feed um high.[150](../../150/ "tree and pragmatics") [1](https://md.mova.elamur.ai/free/en/corpora/tales/pg76586/6/) **2** - ← previous: [page 1](https://md.mova.elamur.ai/free/en/corpora/tales/pg76586/6/) - next →: [Opening, part 7](https://md.mova.elamur.ai/free/en/corpora/tales/pg76586/7/) - ↑ back to [Negro myths from the Georgia coast, told in the vernacular](https://md.mova.elamur.ai/free/en/corpora/tales/pg76586/)