---
title: Opening, part 7 — Negro myths from the Georgia coast, told in the… · full text with trees
description: Opening, part 7, «Negro myths from the Georgia coast, told in the vernacular» by Charles C., Jr. Jones: the whole chapter, every sentence with its dependency tree and pragmatics. It begins: De rale name er dis cunjur man bin _Robin_, but him yent bin gib dis name ter de King.
---

<!-- md -->
[Mova](https://md.mova.elamur.ai/free/en/) · [this page in HTML](https://mova.elamur.ai/free/en/corpora/tales/pg76586/7/)

<!-- crumbs -->
[home](https://md.mova.elamur.ai/free/en/) / [corpora](https://md.mova.elamur.ai/free/en/corpora/) / [tales](https://md.mova.elamur.ai/free/en/corpora/tales/) / [Negro myths from the Georgia coast, to…](https://md.mova.elamur.ai/free/en/corpora/tales/pg76586/) / Opening, part 7

# Opening, part 7

<!-- .vabout -->
Opening, part 7 of «Negro myths from the Georgia coast, told in the vernacular» by Charles C., Jr. Jones: the whole text, 102 sentences and 2563 words. The small number after every sentence leads to its own page with its syntax tree and pragmatics, parsed by Mova itself.

<!-- pager -->
**1** [2](https://md.mova.elamur.ai/free/en/corpora/tales/pg76586/7/page/2/)

<!-- div read -->

De rale name er dis cunjur man bin \_Robin\_, but him yent bin gib dis name ter de King.[1](1/ "tree and pragmatics")

De cunjur man try fuh fine out de tief, but eh miss.[2](2/ "tree and pragmatics") Four day gone, an de Ring yent fine.[3](3/ "tree and pragmatics") De cunjur man, him berry sad, an eh faid say eh gwine fail, an de King gwine tek eh head off.[4](4/ "tree and pragmatics")

De mornin ob de fibe day de King git up soon, an pledjur ehself by tek er walk een eh gaden.[5](5/ "tree and pragmatics") Wile eh duh tan onder one berry tree, one robin-red-bres, wuh bin er eat de berry, choke an fall der groun.[6](6/ "tree and pragmatics") De King pick um up, an eh dead in eh han.[7](7/ "tree and pragmatics") Den eh tek um, an wrop um up een eh henkerchef, an pit um een eh hat.[8](8/ "tree and pragmatics") Eh sen fuh de cunjur man, an eh tell um eh time mose out, an dat ef eh no fine de Ring by sundown eh gwine kill um.[9](9/ "tree and pragmatics") Eh say ter um, moöber, dat eh doubt um, an dat eh yent bliebe eh kin cunjur none tall; dat ef eh kin cunjur eh mus tell um right off wuh eh got een him hat.[10](10/ "tree and pragmatics") De cunjur man so skade eh yent say nuttne cept pity ehself, an say: “Po Robin\![11](11/ "tree and pragmatics") Po Robin!”[12](12/ "tree and pragmatics") De King tek um say eh bin mean de bud, an eh confidance rise, an eh mek answer: “You right, me yiz hab one robin een me hat; an becase you tell true, me gwine gie you six day mo fuh fine out who tief de Ring.”[13](13/ "tree and pragmatics") De cunjur man rale glad, an de ting mek de King an all eh fren an de serbant bliebe say eh kin cunjur fur true.[14](14/ "tree and pragmatics") De tree serbant wuh bin een cohoot fuh tief de Ring, an wuh bin know all bout um, biggin fuh faid say dem bin gwine fuh git fine out.[15](15/ "tree and pragmatics")

De nex mornin, wen one er dem serbant come down wid de King shoes, de cunjur man pint eh finger at um an eh say: “You duh one er de tief.”[16](16/ "tree and pragmatics") De man look condemn, but eh mek answer, say: “Him yent.”[17](17/ "tree and pragmatics") De nex mornin wen de tarrur serbant fetch de King shoes down fuh clean um, de cunjur man pint him finger at um an eh say: “You duh nudder one er dem tief.”[18](18/ "tree and pragmatics") De man rale skade, but eh schway say him yent know nuttne bout de Ring.[19](19/ "tree and pragmatics") De nex mornin wen de edder serbant duh clean de King shoes, de cunjur man gone up ter um an pint eh finger right een eh face, an eh say: “You duh de tird man wuh know bout dis Ring an help fuh tief um.”[20](20/ "tree and pragmatics") De man yeye fall, but him wouldnt confess.[21](21/ "tree and pragmatics")

Dat same ebenin all tree dem serbant, dem come ter de cunjur man an fetch de Ring, an confess say dem been tek um, an dem bague de cunjur man fuh fix plan fuh clear dem.[22](22/ "tree and pragmatics") Him so glad him git de Ring him prommus fuh do dist as dem say.[23](23/ "tree and pragmatics") So eh tell dem fuh fetch one big tukrey-gobbler ter um.[24](24/ "tree and pragmatics") Dem gone an ketch de biggis een de gang, an brung um ter de cunjur man.[25](25/ "tree and pragmatics") Eh tek de Ring an eh mix um long cornflour, an eh poke em een de tukrey-gobbler craw.[26](26/ "tree and pragmatics") Den eh mark de bud so him kin know um gen, an eh tun um loose.[27](27/ "tree and pragmatics")

De cunjur man, him gone right off ter de King, an eh tell um say him kin pint out way de Ring day.[28](28/ "tree and pragmatics") De King, him berry glad, an eh collec all him fren fuh see de cunjur man pint out de Ring.[29](29/ "tree and pragmatics") Wen dem all gedder, de conjur man, him ax de King fuh hab all him tukrey dribe befo um.[30](30/ "tree and pragmatics") De King him do so, an as de tukrey bin er walk pass, de conjur man pint out one big tukrey-gobbler an tell de King say him hab de Ring een him craw.[31](31/ "tree and pragmatics") Wid dat, de King mek one er him serbant ketch de gobbler an rip open eh craw, an day, sho nuff, was de Ring.[32](32/ "tree and pragmatics") De King, him bin so rejoice eh gib high praise ter de cunjur man, an eh gie um big money, an mek um rich.[33](33/ "tree and pragmatics") De tree serbant too, wuh bin de tief, dem so happy cause de cunjur man yent spose dem ter de King dat dem mek present ter um too, an bin eh fren all dem life.[34](34/ "tree and pragmatics")

XXXII.[35](35/ "tree and pragmatics")

BUH LION, BUH RABBIT, BUH FOX, AN BUH ROCCOON.[36](36/ "tree and pragmatics")

Buh Lion, him bin keep er bank.[37](37/ "tree and pragmatics") Een dat bank him hab chicken, en hog, en sheep.[38](38/ "tree and pragmatics") Buh Fox, him marry ter Buh Coon darter.[39](39/ "tree and pragmatics") Buh Fox farruh-een-law, him bin er rogue.[40](40/ "tree and pragmatics") Buh Coon an Buh Rabbit mek er plan fuh rob Buh Lion bank, an dem usen fuh tek ting outer um ebry now en den, an nobody kin fine out who duh de tief.[41](41/ "tree and pragmatics") Buh Fox, Buh Rabbit, an Buh Coon, dem day fas fren, an dem constant keep compny.[42](42/ "tree and pragmatics") Buh Rabbit him tell Buh Lion, say him know de man wuh duh rob him bank, but eh yent want talk eh name, an eh vise Buh Lion fuh set steel trap fuh ketch de tief.[43](43/ "tree and pragmatics") Buh Lion do es him say, an de nex night, wen Buh Coon, Buh Fox, an Buh Rabbit gone fuh rob de bank gen, Buh Coon, him walk topper de trap an eh ketch um by eh foot.[44](44/ "tree and pragmatics") De ting broke Buh Coon leg, an eh hot um berry bad, but eh faid fuh holler, case, ef eh did holler, eh know Buh Lion gwine run day an kill um.[45](45/ "tree and pragmatics") So eh leddown an moan, an beg eh fren fuh help um.[46](46/ "tree and pragmatics") Buh Fox an Buh Rabbit, dem study ober de ting, an dem mek up dem mine say ef Buh Lion fine Buh Coon een de trap, eh not only gwine kill Buh Coon, but eh will sen an kill all eh fambly.[47](47/ "tree and pragmatics") Den dem conclude dat de bes ting fuh do bin dat Buh Fox--wuh bin him son-een-law--mus tek one swode an chop Buh Coon head off an bury um, an dat eh skin Buh Coon an bury eh hide an eh cloze, an leff Buh Coon nekked een de trap, so nobody kin tell who bin ketch.[48](48/ "tree and pragmatics")

Buh Fox, him do es dem gree.[49](49/ "tree and pragmatics") De nex mornin wen Buh Lion zamine eh trap, eh fine de tief done ketch.[50](50/ "tree and pragmatics") Eh call een eh fren fuh consult, but es de body done strip, an eh head done cut off an gone, nobody could mek up eh mine who de tief bin.[51](51/ "tree and pragmatics") Buh Lion, him say him gwine fine out who de tief yiz, an who de man wuh cut eh head off an skin um.[52](52/ "tree and pragmatics")

Buh Rabbit, him come up bout dis time, an him swade Buh Lion fuh sen fuh one cart, an pit de dead body een um, an leh one er eh han heng ober one side er de cart, an gedder him soldier an pit one gang on de leff han side an de tarruh gang on de right han side, an mek de music go befo, an leh dem all march down de middle er de street een Buh Lion town all de lenk er de street; an ef de soldier yeddy anybody duh scream an duh cry een any one er de house, den de soldier mus go ter dat house an kill ebry body wuh lib day, case dat mus be de fambly er de tief.[53](53/ "tree and pragmatics") Buh Lion, him well please, an him gie order, an hab de ting done jes es Buh Rabbit bin plan.[54](54/ "tree and pragmatics")

<!-- /div -->

<!-- pager -->
**1** [2](https://md.mova.elamur.ai/free/en/corpora/tales/pg76586/7/page/2/)

<!-- pn -->
- ← previous: [Opening, part 6](https://md.mova.elamur.ai/free/en/corpora/tales/pg76586/6/)
- next →: [page 2](https://md.mova.elamur.ai/free/en/corpora/tales/pg76586/7/page/2/)
- ↑ back to [Negro myths from the Georgia coast, told in the vernacular](https://md.mova.elamur.ai/free/en/corpora/tales/pg76586/)