---
title: Opening, part 8 — Negro myths from the Georgia coast, told in the… · full text with trees
description: Opening, part 8, «Negro myths from the Georgia coast, told in the vernacular» by Charles C., Jr. Jones: the whole chapter, every sentence with its dependency tree and pragmatics. It begins: Wen dem git ter de ribber bank, day was Buh Porpus duh wait fur Buh Rabbit.
---

<!-- md -->
[Mova](https://md.mova.elamur.ai/free/en/) · [this page in HTML](https://mova.elamur.ai/free/en/corpora/tales/pg76586/8/)

<!-- crumbs -->
[home](https://md.mova.elamur.ai/free/en/) / [corpora](https://md.mova.elamur.ai/free/en/corpora/) / [tales](https://md.mova.elamur.ai/free/en/corpora/tales/) / [Negro myths from the Georgia coast, to…](https://md.mova.elamur.ai/free/en/corpora/tales/pg76586/) / Opening, part 8

# Opening, part 8

<!-- .vabout -->
Opening, part 8 of «Negro myths from the Georgia coast, told in the vernacular» by Charles C., Jr. Jones: the whole text, 124 sentences and 2521 words. The small number after every sentence leads to its own page with its syntax tree and pragmatics, parsed by Mova itself.

<!-- pager -->
**1** [2](https://md.mova.elamur.ai/free/en/corpora/tales/pg76586/8/page/2/)

<!-- div read -->

Wen dem git ter de ribber bank, day was Buh Porpus duh wait fur Buh Rabbit.[1](1/ "tree and pragmatics") Buh Rabbit mek um quaintum wid Buh Wolf, an arter er while Buh Wolf ax Buh Porpus fuh fine um een fish same luk eh fine Buh Rabbit, an Buh Porpus gree fur do so.[2](2/ "tree and pragmatics") Den Buh Rabbit, him say: “Leh we hab some fun, an see who kin pull de strongis: Buh Porpus genst me an Buh Wolf.”[3](3/ "tree and pragmatics") Buh Porpus say him willin.[4](4/ "tree and pragmatics") Wid dat, Buh Rabbit git one long grape-wine, an eh tie one een roun Buh Porpus head, an de tarruh een eh tie fus roun Buh Wolf body, an den roun him own; but eh leff de een loose, so him kin slip out.[5](5/ "tree and pragmatics") Den eh gie de wud fuh pull.[6](6/ "tree and pragmatics") Es eh done dat eh slip outer de wine, an leff Buh Wolf lone fuh pull genst Buh Porpus.[7](7/ "tree and pragmatics") At de fus, wen Buh Porpus ease isself off een de ribber, eh pull sorter light, an den eh gie way, and Buh Wolf, him tought him gwine outpull um.[8](8/ "tree and pragmatics") But een er leely while Buh Porpus sorter hump eh back an flut eh tail, an yuh Buh Wolf come fuh de water.[9](9/ "tree and pragmatics") Eh dig eh paw een de san, an eh holler ter Buh Rabbit fuh tun um loose; but Buh Rabbit wouldnt tetch um, an so Buh Porpus drag um, duh scuffle an duh holler, clean een de ribber an onder de water, an drown Buh Wolf.[10](10/ "tree and pragmatics") Arter dat Buh Porpus swim back ter de bank an Buh Rabbit tek off de grape-wine from roun eh neck, an dem leff Buh Wolf een de water fuh shark an alligatur fuh eat.[11](11/ "tree and pragmatics")

Buh Rabbit an Buh Porpus done Buh Wolf er mean trick.[12](12/ "tree and pragmatics")

XXXIV.[13](13/ "tree and pragmatics")

DE DEBBLE AN MAY BELLE.[14](14/ "tree and pragmatics")

De Debble, him kin tek all sorter shape fuh cahr out him plan an fool people.[15](15/ "tree and pragmatics") Sometime eh mek isself inter wolf fuh kill you sheep.[16](16/ "tree and pragmatics") Narruh time eh tek de shape er alligatur fuh worry you duck an goose.[17](17/ "tree and pragmatics") Den eh look lucker white deer, an eh fly tru de wood, dout mek no noise, fuh skade people duh walk long de big road.[18](18/ "tree and pragmatics") Den eh come same lucker owl, an eh holler down you chimbly an eh tarrify ebry body wen dem duh tun flour een de pot.[19](19/ "tree and pragmatics") Den wen you sick, eh gone eensider you lucker a wurrum, an eh gie you all sorter misry.[20](20/ "tree and pragmatics") Den gen, eh kin tek de shape er man, en pass isself off fur great gentleman long de lady.[21](21/ "tree and pragmatics") Day yent nuttne wuh de Debble cant do ef eh mek up eh mine ter um.[22](22/ "tree and pragmatics")

One time day was a berry pooty noung ooman name May Belle.[23](23/ "tree and pragmatics") Him farruh bin rich, an eh dress um up ter de notch, an eh gie um saddle horse fuh ride, an carriage fuh dribe, an plenty er serbant fuh wait on um, an ebry good bittle fuh eat, an rockin-chair fuh set een, an orgin fuh play topper.[24](24/ "tree and pragmatics") All de noung man een de county bin er cote um an er try fuh marry um.[25](25/ "tree and pragmatics")

One day one strange man come fuh wisit um.[26](26/ "tree and pragmatics") Eh dress up better ner all dem tarruh gentlemans.[27](27/ "tree and pragmatics") Eh hab on new beber hat, wuh shine lucker glass, an eh hab side whisker comb so nice, an glub on eh han, an new cloze, an eh dribe up een er fine carriage wid four horse, an de driber hab er keen lash wuh pop so clear you could yeddy um way down de road.[28](28/ "tree and pragmatics")

De noung lady tek wid um right off.[29](29/ "tree and pragmatics") Eh hab sich er good manners, an eh talk so perlite, an eh ack so rich, ebry body gie way ter um, an eh outshine all dem tarruh Buckra wuh bin er cote de gal, an eh marry um befo de week out, an eh tek um een eh carriage, an eh dribe um off ter him house.[30](30/ "tree and pragmatics") Dat house bin een er deestant part er de country, buil on er hill.[31](31/ "tree and pragmatics") Nobody bin lib close.[32](32/ "tree and pragmatics") Eh bin de fines house een de whole settlement.[33](33/ "tree and pragmatics") Eh hab piazza all roun an roun, an eenside ebry ting look berry nice an pooty.[34](34/ "tree and pragmatics")

Wen dem dribe up ter de step, de Debble, wuh bin de husbun, han eh Bride een de pahler, an set um een one rockin-chair, an tell um de whole house blanks ter um, an eh mus mek isself saterfy an joy isself.[35](35/ "tree and pragmatics")

Ebry ting gone long berry well fur some time, an de noung wife hab ebry ting him call fur.[36](36/ "tree and pragmatics") One mornin, wen eh husbun leff de house fur ten ter eh bidness, an eh wife bin er ramble bout de room, eh fine one key duh heng up by isself.[37](37/ "tree and pragmatics") Eh wonder wuh key dat, an wuh do eh open.[38](38/ "tree and pragmatics") Eh tek um an eh try one lock arter anurrer, but de key wunt fit.[39](39/ "tree and pragmatics") Bimeby eh gone duh garret, an eh see one do up day wuh bin lock.[40](40/ "tree and pragmatics") Eh pit de key ter de hole an eh onlock de do, an wen eh open um lo! an behole! eh see een de closet tree noung ooman duh heng up long dem neck, an dem bin all dead.[41](41/ "tree and pragmatics") De ting skade de gal so bad eh scacely hab han fuh shet de do an lock um gen. But arter a while eh manage fuh do dat, an den eh mek hase an heng de key way eh bin fine um.[42](42/ "tree and pragmatics") De Bride faid fuh ax eh husbun bout de ting.[43](43/ "tree and pragmatics") All eh joy done gone.[44](44/ "tree and pragmatics") Eh want fuh git way, but him dunno how fuh do um.[45](45/ "tree and pragmatics") Eh yent hab nobody fuh truss fuh sen ter eh farruh an bredder fuh come an tek um way.[46](46/ "tree and pragmatics")

Eh husbun bin gen um one nice ridin horse fuh tek eh pledjur long ebry mornin an ebenin.[47](47/ "tree and pragmatics") De Debble so busy eh wife haffer ride by isself.[48](48/ "tree and pragmatics") De po gal yent say nuttne ter nobody bout wuh eh see een de closet der garret.[49](49/ "tree and pragmatics") Eh hide eh feelin, but eh berry onsaterfy een eh mine.[50](50/ "tree and pragmatics")

De nex mornin, wen eh bin er tek eh ride, soon es eh git outer yearin, eh biggin fuh cry, an fuh pity isself, an say eh wish eh bin back ter eh farruh house, an talk eh mine dat eh faid eh husbun, wen eh git tired long um, gwine kill um an heng um long de tarruh ooman wuh day een de closet duh garret.[51](51/ "tree and pragmatics") Him no know de horse wuh him duh ride bin a yeddy um, an duh notus wuh him duh say.[52](52/ "tree and pragmatics") All ob er sutten de horse open eh mout, an eh ax eh missis: “Enty you know who you marry ter?[53](53/ "tree and pragmatics") You husbun duh de Debble, an wen eh saterfy long you eh gwine bex wid you an kill you same luk eh done kill dem tarruh wife wuh eh bin hab befo eh bring you yuh.”[54](54/ "tree and pragmatics") De po ooman dat skade eh ready fuh fall off.[55](55/ "tree and pragmatics") Eh mose faint way.[56](56/ "tree and pragmatics") Eh heart duh flutter een eh bres.[57](57/ "tree and pragmatics") All eh strenk gie way.[58](58/ "tree and pragmatics") Eh cry.[59](59/ "tree and pragmatics") Eh gib up fuh loss.[60](60/ "tree and pragmatics") Den eh bague de horse fuh pity um, an help um, an tek um back ter him fambly.[61](61/ "tree and pragmatics") De horse sorry fur um, an eh prommus fuh try an sabe um, but eh tell um fuh keep eh mout shet, an mek no rackit bout de ting.[62](62/ "tree and pragmatics") Mo na dat, eh tell um, de nex mornin wen eh come fuh ride, eh mus fetch een eh pocket four big nail wuh day on de mantlepiece een de Debble room, an dem will help um fuh git way.[63](63/ "tree and pragmatics")

<!-- /div -->

<!-- pager -->
**1** [2](https://md.mova.elamur.ai/free/en/corpora/tales/pg76586/8/page/2/)

<!-- pn -->
- ← previous: [Opening, part 7](https://md.mova.elamur.ai/free/en/corpora/tales/pg76586/7/)
- next →: [page 2](https://md.mova.elamur.ai/free/en/corpora/tales/pg76586/8/page/2/)
- ↑ back to [Negro myths from the Georgia coast, told in the vernacular](https://md.mova.elamur.ai/free/en/corpora/tales/pg76586/)