---
title: Opening, part 8 — Negro myths from the Georgia coast, told in the… · full text with trees · page 2
description: Opening, part 8, «Negro myths from the Georgia coast, told in the vernacular» by Charles C., Jr. Jones: the whole chapter, every sentence with its dependency tree and pragmatics. It begins: Wen dem git ter de ribber bank, day was Buh Porpus duh wait fur Buh Rabbit.
---

<!-- md -->
[Mova](https://md.mova.elamur.ai/free/en/) · [this page in HTML](https://mova.elamur.ai/free/en/corpora/tales/pg76586/8/page/2/)

<!-- crumbs -->
[home](https://md.mova.elamur.ai/free/en/) / [corpora](https://md.mova.elamur.ai/free/en/corpora/) / [tales](https://md.mova.elamur.ai/free/en/corpora/tales/) / [Negro myths from the Georgia coast, to…](https://md.mova.elamur.ai/free/en/corpora/tales/pg76586/) / Opening, part 8

# Opening, part 8 · page 2

<!-- pager -->
[1](https://md.mova.elamur.ai/free/en/corpora/tales/pg76586/8/) **2**

<!-- div read -->

De po ooman tenk um berry much, an dem gone back an nobody bin know bout dis plan.[64](../../64/ "tree and pragmatics") De nex mornin wen de Debble, wuh bin him husbun, leff de house an gone fuh mine eh bidness, eh wife fine de nail dis es de horse bin say, an eh pit um een eh pocket.[65](../../65/ "tree and pragmatics") Den eh call fuh him ridin horse same luk eh ebber done, an eh gone down de road fuh ride.[66](../../66/ "tree and pragmatics") Soon es eh git outer de sight er de house, de good horse eh men eh pace; an, befo de middle er de day, eh tell eh missis fuh drap one er dem nail een de road.[67](../../67/ "tree and pragmatics") Eh missis did drap um, an right off one big bank er san riz up clean cross de road, so nobody could dribe ober.[68](../../68/ "tree and pragmatics") Wen night come on dem drap anurrur nail, middle night anurrer, an es de sun duh rise dem drap de las one.[69](../../69/ "tree and pragmatics") Ebry time de nail drap, de big bank er san rise up an shet up de road.[70](../../70/ "tree and pragmatics") De horse run so fas eh retch de ooman farruh house by brukwus time een de mornin.[71](../../71/ "tree and pragmatics") Eh fambly stonish fuh see um, an wen eh tell dem wuh mek eh come back, eh farruh an eh bredder git dem gun fur shoot de Debble ef eh come fuh tek de gal back.[72](../../72/ "tree and pragmatics")

Wen de Debble fine out say eh wife yent come back from ride, eh biggin fuh spicion someting; an arter dinner eh git een eh carriage fuh hunt eh wife.[73](../../73/ "tree and pragmatics") Eh tek de big road, an eh mek eh driber pit de lick ter de horse, but eh cant see ner yeddy nuttne bout eh wife.[74](../../74/ "tree and pragmatics") Bimeby eh come pon topper de fus bank er san een de road, an den him bin know right off wuh happne.[75](../../75/ "tree and pragmatics") Eh mek eh horse grabble tru, an den eh dribe straight fur eh farruh-een-law house.[76](../../76/ "tree and pragmatics") Eh blow eh hot bref behine eh horse, an eh mek um run lucker de win.[77](../../77/ "tree and pragmatics") Eh haffer stop fuh git tru dem tarruh bank er san wuh de edder nail bin mek, an so eh loss eh time an nebber did obertek eh wife.[78](../../78/ "tree and pragmatics") Wen eh tun een de abnue wuh lead ter eh wife farruh house, eh see eh wife an all eh fambly day een de piazza duh watch de road.[79](../../79/ "tree and pragmatics") Eh farruh-een-law an eh bredder-een-law hab gun een dem han.[80](../../80/ "tree and pragmatics") De Debble, him no faid gun, an eh dribe right up, an eh ax eh wife wuh mek um run way.[81](../../81/ "tree and pragmatics") Befo eh kin answer, eh tell um fuh git right een de carriage an go back home long um.[82](../../82/ "tree and pragmatics") Eh wife say eh wunt, an eh hole on ter eh farruh.[83](../../83/ "tree and pragmatics") Den de Debble git berry bex an schway say him gwine cahr um any how.[84](../../84/ "tree and pragmatics") Wid dat, eh light outer de carriage an mek fuh de piazza fuh graff eh wife.[85](../../85/ "tree and pragmatics") Eh farruh an eh bredder tell um fuh tan back an leh de gal lone.[86](../../86/ "tree and pragmatics") De Debble wunt yeddy dem, an es eh rise de step de farruh an de bredder er de noung ooman shoot de Debble long buck-shot.[87](../../87/ "tree and pragmatics") De shot drap offer um dout hot um, an eh come right on.[88](../../88/ "tree and pragmatics") Dist es eh bin guine tek de gal eh change eh mine, an eh tun ter eh old self, wid eh forky tail, an eh claw, an eh batwing, an eh owl yez, an eh blow fire outer eh mout, an eh bun up eh wife, an him farruh, an him murrer, an him bredder, an de house, an ebry ting wuh day een um.[89](../../89/ "tree and pragmatics") Not a ting leff fuh show way de house bin.[90](../../90/ "tree and pragmatics") Eh bun up de horse too wuh bin help eh wife fuh run way.[91](../../91/ "tree and pragmatics") Den eh change back ter de shape er a man dist es befo, an eh git een him carriage, an eh dribe back ter him house same luk nuttne bin happne.[92](../../92/ "tree and pragmatics")

“De Debble,” added Daddy Cudjo, as he concluded this story, “duh de wus ting een dis wul an de nex.[93](../../93/ "tree and pragmatics") Me nebber gwine hab nuttne fuh do long um.[94](../../94/ "tree and pragmatics") Me faid um wus den rattlesnake; an dat ting wuh dem call Hell, me nebber wan shum ner go nigh um.”[95](../../95/ "tree and pragmatics")

XXXV.[96](../../96/ "tree and pragmatics")

DE OLE MAN AN DE COON.[97](../../97/ "tree and pragmatics")

One time er rich Buckra hab er senserble ole man serbant wuh come from Afreka.[98](../../98/ "tree and pragmatics") Dis ole nigger bin know ebryting bout ebryting.[99](../../99/ "tree and pragmatics") Nobody could tun um wid questun.[100](../../100/ "tree and pragmatics") Eh Mossa try um heap er time, an eh ebber did mek right answer.[101](../../101/ "tree and pragmatics") Eh fren try um too, an dem nebber ketch um duh miss.[102](../../102/ "tree and pragmatics") De Buckra brag heaby on de ole man, an berry offne eh win bet topper um.[103](../../103/ "tree and pragmatics") One day de Buckra man gen er big dinner, an eh eenwite heap er fren ter him house.[104](../../104/ "tree and pragmatics") Eh lay er wager say nobody kin ax eh ole serbant er questun wuh him couldnt answer, an eh gie eh fren lief fuh try de ole man any fashion dem want.[105](../../105/ "tree and pragmatics") De money pit up, an de fren call one boy, wuh bin er wuk bout de lot, an dem sen um der wood fuh ketch one coon.[106](../../106/ "tree and pragmatics") De boy gone wid eh dog.[107](../../107/ "tree and pragmatics") Wen dinner done ober, an de gentlemans duh set een de piazza duh talk, de boy come back wid er roccoon.[108](../../108/ "tree and pragmatics") Dem call fuh er barrel, an dem tek de coon an pit um een an head um up complete, so nobody kin see wuh day eenside.[109](../../109/ "tree and pragmatics")

Den dem sen fuh de ole Afreka nigger.[110](../../110/ "tree and pragmatics") Eh bin er hoe cotton der fiel, an nobody bin tell um wuh mek dem sen fuh um.[111](../../111/ "tree and pragmatics") Eh come; an den eh Mossa say: “Ole man, we sen fuh you fuh tell we wuh day een dis barrel.”[112](../../112/ "tree and pragmatics") De ole man look at um, an walk roun um, an notus um close, an listne fuh see ef eh could yeddy anyting duh mobe.[113](../../113/ "tree and pragmatics") All de gentlemans duh watch um.[114](../../114/ "tree and pragmatics") Wen de ole man mek up eh mine eh couldnt fine out wuh day een de barrel, eh stop, eh study, eh cratch eh head, an den eh mek answer: “Mossa, hoona done head de ole coon dis time.”[115](../../115/ "tree and pragmatics")

Eh no bin know say him bin er speak er true wud bout wuh bin een de barrel.[116](../../116/ "tree and pragmatics") Eh bin er talk bout ehself wen eh say dem bin head de ole coon dis time, but eh Mossa an de tarruh gentlemans no know, and dem all gie de ole man big praise.[117](../../117/ "tree and pragmatics") Eh Mossa win de bet, an eh share de silber money wid de ole man.[118](../../118/ "tree and pragmatics")

XXXVI.[119](../../119/ "tree and pragmatics")

BUH RABBIT AN DE CRAWFISH.[120](../../120/ "tree and pragmatics")

Arter Buh Wolf bin lick Buh Rabbit an trow um een de brier patch case eh ketch um der tief water outer him spring, Buh Rabbit faid fuh meet Buh Wolf, an him leff an gone buil ehself new house een Buh Bear settlement.[121](../../121/ "tree and pragmatics") Buh Bear, him hab well, an steader Buh Rabbit fine him own water, eh blan slip ter Buh Bear well an tief water outer um.[122](../../122/ "tree and pragmatics") Buh Bear fine dis out, but Buh Rabbit so scheemy Buh Bear couldnt pit eh han topper um fuh ketch um.[123](../../123/ "tree and pragmatics") So eh git one big crawfish an eh pit um een de well, an eh tell um fuh gard de well, an fastne ebrybody wuh come day fuh tief water.[124](../../124/ "tree and pragmatics")

<!-- /div -->

<!-- pager -->
[1](https://md.mova.elamur.ai/free/en/corpora/tales/pg76586/8/) **2**

<!-- pn -->
- ← previous: [page 1](https://md.mova.elamur.ai/free/en/corpora/tales/pg76586/8/)
- next →: [Opening, part 9](https://md.mova.elamur.ai/free/en/corpora/tales/pg76586/9/)
- ↑ back to [Negro myths from the Georgia coast, told in the vernacular](https://md.mova.elamur.ai/free/en/corpora/tales/pg76586/)