--- title: Opening, part 9 — Negro myths from the Georgia coast, told in the… · full text with trees description: Opening, part 9, «Negro myths from the Georgia coast, told in the vernacular» by Charles C., Jr. Jones: the whole chapter, every sentence with its dependency tree and pragmatics. It begins: De nex time Buh Rabbit gone der well long him calabash fuh git some water, de fus ting eh know de crawfish gra --- [Mova](https://md.mova.elamur.ai/free/en/) · [this page in HTML](https://mova.elamur.ai/free/en/corpora/tales/pg76586/9/) [home](https://md.mova.elamur.ai/free/en/) / [corpora](https://md.mova.elamur.ai/free/en/corpora/) / [tales](https://md.mova.elamur.ai/free/en/corpora/tales/) / [Negro myths from the Georgia coast, to…](https://md.mova.elamur.ai/free/en/corpora/tales/pg76586/) / Opening, part 9 # Opening, part 9 Opening, part 9 of «Negro myths from the Georgia coast, told in the vernacular» by Charles C., Jr. Jones: the whole text, 140 sentences and 2544 words. The small number after every sentence leads to its own page with its syntax tree and pragmatics, parsed by Mova itself. **1** [2](https://md.mova.elamur.ai/free/en/corpora/tales/pg76586/9/page/2/) De nex time Buh Rabbit gone der well long him calabash fuh git some water, de fus ting eh know de crawfish grab um by eh tail.[1](1/ "tree and pragmatics") Buh Rabbit holler, an een eh pull way eh leff eh tail een de crawfish claw.[2](2/ "tree and pragmatics") An dat de way Buh Rabbit come fuh loss eh tail.[3](3/ "tree and pragmatics") Eh tail stumpy tel dis day.[4](4/ "tree and pragmatics") XXXVII.[5](5/ "tree and pragmatics") BUH RABBIT AN BUH ELEPHUNT.[6](6/ "tree and pragmatics") You ebber notus say Buh Elephunt yez all de time duh heng down, an eh cant cock um up luk de tarruh creetuh?[7](7/ "tree and pragmatics") Eh hinge to eh yez look luk eh broke.[8](8/ "tree and pragmatics") You know wuh mek so?[9](9/ "tree and pragmatics") Ef you yent know, lemme tell you.[10](10/ "tree and pragmatics") Buh Rabbit an Buh Elephunt, dem blan ramble tru de same wood.[11](11/ "tree and pragmatics") Buh Rabbit, him lib offer de noung grass, an Buh Elephunt, him eat de tree limb.[12](12/ "tree and pragmatics") Dem bin quaintun wid one anurrur; an, weneber dem meet, dem nusen fuh pass de time er day.[13](13/ "tree and pragmatics") Buh Rabbit, him too leetle fuh Buh Elephunt fuh keep compny long.[14](14/ "tree and pragmatics") Een de spring er de year Buh Rabbit bin mek eh nes onder one bush, an eh line um an eh kibber um ober complete long sofe dry grass.[15](15/ "tree and pragmatics") Eh hab tree leely chillun een dat nes.[16](16/ "tree and pragmatics") One day Buh Elephunt bin er hunt eh bittle, an eh gone miss an mash topper Buh Rabbit nes, an kill eh chillun.[17](17/ "tree and pragmatics") Buh Rabbit no bin day at de time, an wen eh git back eh fine eh nes done broke up, an all tree eh chillun squash flat.[18](18/ "tree and pragmatics") Eh see by de track say Buh Elephunt bin do dat.[19](19/ "tree and pragmatics") Eh gone right off an eh tackle Buh Elephunt bout um.[20](20/ "tree and pragmatics") Buh Elephunt mek answer an say him yent do um; him yent know nuttne bout um.[21](21/ "tree and pragmatics") Wen Buh Rabbit fine eh cant git no saterfaction outer Buh Elephant, eh cut down, an eh berry bex, an eh mek plan fuh git eeben wid Buh Elephunt fuh de big damage wuh him bin done ter um an eh fambly.[22](22/ "tree and pragmatics") Eh quaintun wid de place way Buh Elephunt blan leddown fuh tek eh res; so eh watch um, an wen eh done gone der bed, Buh Rabbit, him slip back an eh call eh wife, and dem gedder dry leaf an dead grass, an dem tote um ter de spot way Buh Elephunt duh sleep, an dem full all two Buh Elephunt yez long de leaf an grass.[23](23/ "tree and pragmatics") Den dem trike fire an clap um ter de dry grass an leaf wuh dem bin pit een Buh Elephunt yez.[24](24/ "tree and pragmatics") Eh blaze up.[25](25/ "tree and pragmatics") Buh Elephunt wake.[26](26/ "tree and pragmatics") Eh couldnt mek out wuh happne.[27](27/ "tree and pragmatics") De ting biggin fuh bun um bad.[28](28/ "tree and pragmatics") Eh holler fuh somebody fuh help um.[29](29/ "tree and pragmatics") Eh roll ober an try fuh out de fire een eh yez.[30](30/ "tree and pragmatics") Eh tek eh trunk an try fuh lick um out, but befo de fire done out, eh bun de hinge er all two eh yez, so eh couldnt liff um up no mo.[31](31/ "tree and pragmatics") Dat de way Buh Rabbit tek eh rewenge on Buh Elephunt case eh mash eh chillun, an dat de reason huccum Buh Elephunt hab flop yez tel ter-day.[32](32/ "tree and pragmatics") XXXVIII.[33](33/ "tree and pragmatics") BUH RABBIT, BUH WOLF, AN BUH POSSUM.[34](34/ "tree and pragmatics") Buh Rabbit an Buh Wolf gone long de ribber bank fuh hunt Cooter agg.[35](35/ "tree and pragmatics") Dem Cooter blan come outer de water wen de tide high, an dig hole een de san, an lay dem agg, an kibber dem ober so crow an ting cant fine um.[36](36/ "tree and pragmatics") Buh Rabbit an Buh Wolf come topper nough er Cooter nes, an dem gedder de agg an share um equel.[37](37/ "tree and pragmatics") Dem pit um een bag, an es dem gin gwine home, de agg so fresh an sweet, Buh Rabbit slip eh han een eh bag an onbeknowinst ter Buh Wolf eh suck all de agg wuh bin fall ter him share befo dem retch de fork er de road way dem gwine part compny.[38](38/ "tree and pragmatics") Buh Wolf tote all him agg home, an gen um ter him wife.[39](39/ "tree and pragmatics") Eh yent bin een eh house berry long wen up come Buh Rabbit duh puff an der blow.[40](40/ "tree and pragmatics") Soon es eh ketch eh bref eh say: “Buh Wolf, wuh you bin do long dem Cooter agg?[41](41/ "tree and pragmatics") Enty you fine out say dem spile?[42](42/ "tree and pragmatics") Me bin gib some er mine ter me wife, an eh gen um cramp colic right off.[43](43/ "tree and pragmatics") Me run all de way fuh tell you, so you kin sabe you fambly from sick.”[44](44/ "tree and pragmatics") Buh Wolf nebber spicion say Buh Rabbit bin er tell um lie, an eh tenk um berry much, an eh gone git de Cooter agg an trow um way.[45](45/ "tree and pragmatics") Buh Rabbit notus way Buh Wolf bin trow de agg; an soon es Buh Wolf gone back een him house, Buh Rabbit gedder dem up an tote um off een de bush, an seddown an biggin fuh eat dem dist es saterfy es kin be.[46](46/ "tree and pragmatics") Eh so happne say Buh Wolf come pon topper Buh Rabbit duh eat dem Cooter agg, an eh see right off how Buh Rabbit done fool um.[47](47/ "tree and pragmatics") Eh git rale mad, an eh mek eh jump fuh graff Buh Rabbit, but Buh Rabbit too quick fur um, and eh tek ter eh heel.[48](48/ "tree and pragmatics") Buh Wolf push um so tight eh mek um quit de groun an tek ter one pussimmon tree.[49](49/ "tree and pragmatics") Buh Rabbit so light eh gone out on one leely limb way Buh Wolf couldnt foller um ner retch um.[50](50/ "tree and pragmatics") Wen Buh Wolf fine out eh couldnt pit eh han pon topper Buh Rabbit fuh lick um, eh call ter Buh Possum, wuh bin hab house close by, an eh ax um fuh run day an watch Buh Rabbit tel him coulder git him ax fuh cut down de tree an ketch Buh Rabbit.[51](51/ "tree and pragmatics") Buh Possum come, an eh seddown onder de tree duh gard Buh Rabbit wile Buh Wolf gone fuh him ax.[52](52/ "tree and pragmatics") Arter er wile Buh Rabbit say: “Buh Possum, dem yer pussimmon berry sweet.[53](53/ "tree and pragmatics") Enty you want some?”[54](54/ "tree and pragmatics") Buh Possum, him mek answer: “Yes, me Budder, me berry lub pussimmon, an me will glad fuh git some.”[55](55/ "tree and pragmatics") Den Buh Rabbit tell um fuh step ter him house an fetch eh fanner fuh ketch de pussimmon es eh pick um an drap um.[56](56/ "tree and pragmatics") Buh Possum so anxious fuh tase de pussimmon eh clean furgit wuh Buh Wolf bin leff um fuh do, an so eh gone ter him house fuh git eh fanner.[57](57/ "tree and pragmatics") Soon es eh back tun, Buh Rabbit slip down de tree an lean fuh home.[58](58/ "tree and pragmatics") Wen Buh Wolf come wid eh ax, eh fine Buh Rabbit an Buh Possum all two gone.[59](59/ "tree and pragmatics") Eh dat bex eh dunno wuffer do.[60](60/ "tree and pragmatics") Een er leely wile yuh come Buh Possum duh tote he fanner.[61](61/ "tree and pragmatics") Buh Wolf questun um, an wen eh fine out how Buh Rabbit done fool um an git way, eh tun een an cuss Buh Possum an beat um.[62](62/ "tree and pragmatics") Eh tek a smart somebody fuh head Buh Rabbit.[63](63/ "tree and pragmatics") XXXIX.[64](64/ "tree and pragmatics") BUH RABBIT, BUH WOLF, AN DE HOLLER TREE.[65](65/ "tree and pragmatics") Arter Buh Rabbit bin fool Buh Wolf bout dem Cooter agg, an slip way from Buh Possum, eh faid fuh meet Buh Wolf, an eh walk berry skittish ebry time eh lef eh house.[66](66/ "tree and pragmatics") Buh Wolf bin on de keen look-out fuh um.[67](67/ "tree and pragmatics") One day dem meet.[68](68/ "tree and pragmatics") Buh Wolf, him say: “Haw\![69](69/ "tree and pragmatics") Budder, me got you now.[70](70/ "tree and pragmatics") You dodge me long time.[71](71/ "tree and pragmatics") Ebry man fuh isself.”[72](72/ "tree and pragmatics") Wid dat eh tek arter Buh Rabbit.[73](73/ "tree and pragmatics") Buh Rabbit, him bin quaintun wid all de holler tree een de wood, an wen Buh Wolf push um close, eh jump een one er dem.[74](74/ "tree and pragmatics") Buh Wolf run up an eh say: “Me got you now.[75](75/ "tree and pragmatics") Come out an tek you lick, er me gwine bun you up een dis tree.”[76](76/ "tree and pragmatics") Eh no bin know say narrur holler bin on tarruh side er de tree, an dat Buh Rabbit done run clean tru an gone.[77](77/ "tree and pragmatics") Wen eh couldnt yeddy nuttne from Buh Rabbit, Buh Wolf gedder fat pine tick, an eh poke um een de holler an eh pit fire ter um.[78](78/ "tree and pragmatics") De fire roll, an Buh Wolf feed um tell de tree bun down.[79](79/ "tree and pragmatics") Eh saterfy say Buh Rabbit done bun up, an eh gone home, an eh mek brag ter him fambly say him bin stroy Buh Rabbit.[80](80/ "tree and pragmatics") **1** [2](https://md.mova.elamur.ai/free/en/corpora/tales/pg76586/9/page/2/) - ← previous: [Opening, part 8](https://md.mova.elamur.ai/free/en/corpora/tales/pg76586/8/) - next →: [page 2](https://md.mova.elamur.ai/free/en/corpora/tales/pg76586/9/page/2/) - ↑ back to [Negro myths from the Georgia coast, told in the vernacular](https://md.mova.elamur.ai/free/en/corpora/tales/pg76586/)