--- title: Opening, part 9 — Negro myths from the Georgia coast, told in the… · full text with trees · page 2 description: Opening, part 9, «Negro myths from the Georgia coast, told in the vernacular» by Charles C., Jr. Jones: the whole chapter, every sentence with its dependency tree and pragmatics. It begins: De nex time Buh Rabbit gone der well long him calabash fuh git some water, de fus ting eh know de crawfish gra --- [Mova](https://md.mova.elamur.ai/free/en/) · [this page in HTML](https://mova.elamur.ai/free/en/corpora/tales/pg76586/9/page/2/) [home](https://md.mova.elamur.ai/free/en/) / [corpora](https://md.mova.elamur.ai/free/en/corpora/) / [tales](https://md.mova.elamur.ai/free/en/corpora/tales/) / [Negro myths from the Georgia coast, to…](https://md.mova.elamur.ai/free/en/corpora/tales/pg76586/) / Opening, part 9 # Opening, part 9 · page 2 [1](https://md.mova.elamur.ai/free/en/corpora/tales/pg76586/9/) **2** Eh yent bin tree day arter dat wen lo an behole\![81](../../81/ "tree and pragmatics") Buh Wolf meet Buh Rabbit duh seddown een de big road, dist es content es ef nuttne bin happne, duh leek isself.[82](../../82/ "tree and pragmatics") Buh Wolf hail um an eh say: “Buh Rabbit, dat duh you?[83](../../83/ "tree and pragmatics") Enty me bin bun you up tarruh day?[84](../../84/ "tree and pragmatics") Why you duh do duh leek youself so happy an content?”[85](../../85/ "tree and pragmatics") Buh Rabbit, him mek answer: “Budder, dat holler way you bin try fuh bun me een, gone ter de top er de tree, an eh bin full er honey.[86](../../86/ "tree and pragmatics") De fire melt de honey, an eh run down an kibber me all ober.[87](../../87/ "tree and pragmatics") Me yent done git um all offer me tel now.[88](../../88/ "tree and pragmatics") You come tase me an see how sweet me yiz.”[89](../../89/ "tree and pragmatics") Buh Wolf so lub honey eh furgit eh spite gainst Buh Rabbit, an eh come up an eh taste um, an eh fine out say honey bin all ober Buh Rabbit.[90](../../90/ "tree and pragmatics") Den eh ax Buh Rabbit fuh show um one holler way him kin git some honey.[91](../../91/ "tree and pragmatics") Buh Rabbit gree fuh do so ef Buh Wolf would mek fren wid um.[92](../../92/ "tree and pragmatics") Dem shake ban, and den Buh Rabbit tell Buh Wolf fuh foiler um.[93](../../93/ "tree and pragmatics") Eh tek um ter one tree wuh hab holler on one side, but wuh shet up on tarruh side, an eh tell Buh Wolf say dat tree full er honey, an eh mus git een an crawl up nigh de top es eh could go.[94](../../94/ "tree and pragmatics") Buh Wolf trus Buh Rabbit, an eh gone een de holler.[95](../../95/ "tree and pragmatics") Soon es eh git een, Buh Rabbit tek one lightwood knot an eh chink up de hole so Buh Wolf couldnt come out.[96](../../96/ "tree and pragmatics") Den eh gedder some fat pine, an eh mek fire an eh bun Buh Wolf up een de holler.[97](../../97/ "tree and pragmatics") While eh duh bun, Buh Wolf bague an pray Buh Rabbit fuh leh um come out, but Buh Rabbit wouldnt yeddy um.[98](../../98/ "tree and pragmatics") Buh Rabbit leetle fuh true an eh yent strong, but eh berry scheemy an eh hab er bad heart.[99](../../99/ "tree and pragmatics") XL.[100](../../100/ "tree and pragmatics") BUH RABBIT AN DE CUNJUR MAN.[101](../../101/ "tree and pragmatics") Buh Rabbit greedy fuh hab mo sense den all de tarruh animel.[102](../../102/ "tree and pragmatics") Eh yent lub fuh wuk, an eh try heap er scheme fuh git eh libbin outer edder people by fool um.[103](../../103/ "tree and pragmatics") One time eh gone ter one wise Cunjur Man fuh larne um him way, an fuh git him knowledge, so him kin stonish tarruh people an mek dem bliebe say him bin wise mo ner ebrybody.[104](../../104/ "tree and pragmatics") De Cunjur Man larne um heap er curous ting.[105](../../105/ "tree and pragmatics") At las Buh Rabbit ax um fuh gen um eh full knowledge.[106](../../106/ "tree and pragmatics") De Cunjur Man say: “Buh Rabbit, you hab sense nough aready.”[107](../../107/ "tree and pragmatics") Buh Rabbit keep on bague um, an den de Cunjur Man mek answer: “Ef you kin ketch one big rattlesnake an fetch um ter me live, me gwine do wuh you ax me fuh do.”[108](../../108/ "tree and pragmatics") Buh Rabbit git ehself one long stick an eh gone der wood.[109](../../109/ "tree and pragmatics") Eh hunt tel eh fine one whalin ob er rattlesnake duh quile up on one log.[110](../../110/ "tree and pragmatics") Eh pass de time er day berry perlite wid um, an arterwards eh bet de snake say him yent bin es long as de stick wuh him hab een him han.[111](../../111/ "tree and pragmatics") Buh Rattlesnake laugh at um, an eh mek answer dat eh know eh yiz long mo na de stick.[112](../../112/ "tree and pragmatics") Fuh settle de bet Buh Rattlesnake tretch ehself out ter eh berry lenk on de log, an Buh Rabbit pit de pole long side er um fuh medjuh um.[113](../../113/ "tree and pragmatics") Man sir! befo Buh Rattlesnake fine out, Buh Rabbit slip one noose roun eh neck an fastne um tight ter de een der de pole.[114](../../114/ "tree and pragmatics") Buh Rattlesnake twis ehself, an wrop ehself roun an roun de pole, an try fuh git eh head loose, but all eh twis an tun yent do um no good.[115](../../115/ "tree and pragmatics") An so Buh Rabbit ketch um, an cahr um ter de Cunjur Man.[116](../../116/ "tree and pragmatics") De Cunjur Man rale suprise, an eh say: “Buh Rabbit, me always bin yeddy say you bin hab heap er sense, but now me know dat you got um.[117](../../117/ "tree and pragmatics") Ef you kin fool Rattlesnake, you hab all de sense you want.”[118](../../118/ "tree and pragmatics") Wen Buh Rabbit keep on bague de Cunjur Man fuh gie um mo sense, de Cunjur Man answer: “You go fetch me er swarm er Yaller Jacket, an wen you bring um ter me, me prommus you teh gie you all de sense you want.”[119](../../119/ "tree and pragmatics") Ebrybody know say Yaller Jacket wus den warse, an bee, an hornet.[120](../../120/ "tree and pragmatics") Eh sting so bad, an eh berry lub fuh drap topper ebryting wuh come close eh nes, an dout gie um any warnin.[121](../../121/ "tree and pragmatics") So wuh Buh Rabbit do?[122](../../122/ "tree and pragmatics") Eh gone an eh git one big calabash, an eh crape um out clean, an eh cut one hole een um, an eh pit honey een um, an eh tie um on de een er one long pole.[123](../../123/ "tree and pragmatics") Den eh hunt tel eh fine er Yaller Jacket nes, an eh set de calabash close by um dout worry de Yaller Jacket, an eh leff um day, an eh tan off an watch um.[124](../../124/ "tree and pragmatics") Bimeby de Yaller Jacket scent de honey, an dem come out de nes an gone een de calabash fuh eat de honey.[125](../../125/ "tree and pragmatics") Wen de calabash full er Yaller Jacket, Buh Rabbit slip up an stop de hole, an cahr um ter de Cunjur Man.[126](../../126/ "tree and pragmatics") De Cunjur Man mek er great miration ober wuh Buh Rabbit bin done, an eh say: “Buh Rabbit, you is suttenly de smartest ob all de animel, an you sense shill git mo an mo ebry day.[127](../../127/ "tree and pragmatics") Mo na dat, me gwine pit white spot on you forrud, so ebrybody kin see you hab de bes sense een you head.”[128](../../128/ "tree and pragmatics") An dat de way Buh Rabbit come fuh hab er leely tuff er white hair between eh yez.[129](../../129/ "tree and pragmatics") XLI.[130](../../130/ "tree and pragmatics") BUH RABBIT, BUH FOX, AN DE FISHERMAN.[131](../../131/ "tree and pragmatics") Buh Rabbit es er soon man.[132](../../132/ "tree and pragmatics") You haffer git up befo day fuh head um.[133](../../133/ "tree and pragmatics") Wayebber you fine um, eh yez cock up fuh yeddy ebryting wuh duh gwine on.[134](../../134/ "tree and pragmatics") Eh nose duh twis from side ter side fuh ketch all de scent duh float een de element, an wen eh walk bout eh hop so light you tink der sperit.[135](../../135/ "tree and pragmatics") Eh lub fuh lib close big road an settlement, way him kin quaintun wid all wuh happne, an pick eh chance fuh mek eh libbin easy.[136](../../136/ "tree and pragmatics") One time er Ole Man hab er fish trap wuh mek wid bode.[137](../../137/ "tree and pragmatics") Eh hab er gate.[138](../../138/ "tree and pragmatics") Wen de tide duh come een de creek, de gate open an leh de fish een; an wen de tide duh gwine back der ribber, de gate shet an stop all de fish wuh day een de creek.[139](../../139/ "tree and pragmatics") Ebry low tide de Ole Man tek eh leely waggin an wisit eh trap, an collec de fish an pit um een eh waggin an cahr um home fuh him an eh fambly fuh eat.[140](../../140/ "tree and pragmatics") [1](https://md.mova.elamur.ai/free/en/corpora/tales/pg76586/9/) **2** - ← previous: [page 1](https://md.mova.elamur.ai/free/en/corpora/tales/pg76586/9/) - next →: [Opening, part 10](https://md.mova.elamur.ai/free/en/corpora/tales/pg76586/10/) - ↑ back to [Negro myths from the Georgia coast, told in the vernacular](https://md.mova.elamur.ai/free/en/corpora/tales/pg76586/)